KOOPERATIBA SA BUHAY NG TAO

Sa mga pagkakataong katulad ng dinaranas natin sa kasalukuyan na masasabing imposible ang magplano ng pangmatagalan ay makikita ang kahalagahan ng kooperatiba sapagkat ito ay nakapagpapagaan ng mabigat na dalahing pinansyal ng isang indibidwal.

Hango sa konseptong pagtutulungan na kawangis ng ating nakagisnang bayanihan, ang kooperatiba ay nabubuo sa pamamagitan ng pagsasama-sama ng mumunting puhunan ng bawat miyembro na ang layunin ay umalalay sa mga kasaping mangangailangan sa hinaharap. Kadalasan ang kooperatiba ay binubuo ng mga naglilingkod sa isang tanggapan, mga magkakapit-bahay sa barangay at mga nininirahan sa isang pamayanan na karaniwang magkakakilala.

Lumalakas ang pundasyon nito sa lakas ng pagkakaisa dahil kung baga ay isa para sa lahat at lahat para sa isa ang ipinaiiral na patakaran. Maihahalintulad rin ito sa walis na binigkis buhat sa mga maliliit na tingting, sapagkat kung magsisimula ang bawat miyembro sa maliit na sapi, ito ay lumalaki depende sa dami ng miyembro.

Marami pa rin sa ngayon ang hindi nakakaunawa kung ano ang kooperatiba at paano ito nakakatulong sa kanyang miyembro?!

Ang pinakamalapit na paglalarawan ay ganito. Mayroon ka halimbawang P500 at nais mong pumasok sa larangan ng negosyo. Pwede rin ang P500 ay simulang puhunan ngunit wala masyadong mararating dahil maliit lang bilang puhunan. Sa isang banda ay marami kang kaibigan, kakilala at kapitbahay na nagtitiwala kung magtatatag ka ng kooperatiba na may kakayanang maglagak ng tig- P500.

Ano pa’t kung sampu ang sasapi ay may pondo na kayong P5,000, 100 miyembro ay P50,000, so paano pa kung 1,000- maliwanag na P500,000. ito ay sa paraang nagkaisa lang kayo at nagtiwala sa isa’t-isa sa pagbuo ng isang kooperatiba. Depende sa binuong alituntunin ay posibleng magkaroon ka ng puhunang mas malaki sa orihinal mong P500. Kung ikaw ay uutang ng puhunan, Credit Cooperative ang tawag dito.

Upang lumago ang kooperatiba ay may tubo siyempre ang bawa’t pautang at dapat magpasaklaw sa mga umiiral na batas ng republika na nakasasakop sa mga kooperatiba.

Saan mang panig ng bansa ay may kooperatiba sapagka’t marami ang nakababatid ng katotohanang hindi lahat ng suliraning pinansyal ng mga tao ay kayang tugunan ng pamahalaan. Isa ito sa dahilan kung bakit patuloy ito sa paglago. Ang iba ay nagsimulang maliit ang puhunan ngunit sa pagdaan ng panahon ay naging multi-milyonaryo dahil sa pagtutulong-tulong ng mga miyembro.

Ang pagbibigkis-bigkis na ito ng taumbayan ay likas na sa ugaling Pinoy sa pagkamasinop, kaya naman ang kooperatiba ang isinusulong ng pamahalaan na may kaakibat na pag-alalay. (SANDY BELARMINO/vp-7 Lakes Press Corps)

PARA SA MGA BATA

Santa Rosa Mayor Arlene Arcillas-Nazareno hands over to Ms. Judith Hasil, head of the Santa Rosa City Social Welfare and Development Office, the audio visual equipment for use by the 28 day care centers of the city. With them are the teachers representing the day care centers.

CITY OF SANTA ROSA, LAGUNA – Sa layuning pataasin ang kalidad ng edukasyon sa lungsod at patibayin ang pundasyon ng mga mag-aaral, nagkaloob si Punong Lungsod Arlene Arcillas-Nazareno at ang Sangguniang Panlungsod ng 28 audio visual equipment at learning kit sa City Social Welfare & Development Office (CSWDO) noong Hunyo 4 sa lahat 28 day care center sa 18 barangay ng lungsod.

Ang audio visual equipment ay binubuo ng 21-inch TV, DVD player at speakers, habang ang learning kit naman ay may 32 instructional VCDs ukol sa iba’t ibang aralin partikular na sa English. May laman rin ito ng mga teaching guide at iba pang learning material gaya ng building blocks and shapes

“Special project ito ni Mayor Arlene para sa mga day care children natin. Ang ipinagkaloob niya na learning kit ay isang multimedia learning material for day care na ginagamit din sa mga private day care centers,” pahayag ni Judith Hasil, pinuno ng City Social Welfare and Development Office.

Aniya, malaking tulong ito sa mga day care children upang maiangat ang antas ng kanilang kaalaman at makasabay din ang mga day care center ng lungsod sa mga pribadong day care center.

Ayon kay Divina Cequeña, day care worker ng Brgy. Balibago, malaking tulong ang mga nasabing equipment sa mga care worker tulad niya. “Mas madali ko nang maituturo ang mga aralin sa mga bata dahil enjoy sila sa panonood habang natututo,” aniya. (Aries Zapanta/CIO/Sta. Rosa City)

IKA-32 FOUNDATION DAY NG PAROLE AND PROBATION ADMINISTRATION

IKA-32 FOUNDATION DAY
NG PAROLE AND PROBATION ADMINISTRATION

SAN PABLO CITY – Tulad ng sa mga nakalipas na taon, ang pagdiriwang ng ika-32 anibersaryo ng pagkakatatag ng Parole and Probation Administration dito sa ika-3 Distrito ng Laguna ay itutuon sa pakikipagtulungan sa pangangalaga ng kapaligiran sang-ayon kay City Supervising Probation Officer Yolanda B. Deangkinay.

Muli, ang mga pinuno ng Cily Probation Office, kasama ang mga probationer o nasa subok-laya, at parolado na naninilrahan sa lunsod na ito, at sa mga Munisipyo ng Alaminos, Rizal, at Nagcarlan, ay magtatanim ng puno sa kahabaan ng CALABARZON Road sa Alaminos, at sa kanilang palagiang lugar sa Malabanban Watershed sa Barangay Santo Angel.

Sa Alaminos, ay huhulipan o papalitan ang mga natuyong puno na kanilang itinanim sa mga nakalipas na taon at sa gawi ng Malabanban ay pagpapalawak ng taniman. Nakakagalak mabatid na ang mga punong itinanim noong Hulyo ng 2001 ay malalaki na at maipalalagay na malaki na ang naitutulong para mapangasiwaan ng katatagan ng panustos na tubig para sa kalunsuran, pag-uulat ni Bb. Yolie Deangkinay, ang kinilalang pinakanamumukod na parole and probation officer sa Katimugang Tagalog para sa Taong 2007.

Ang Probation Administration, na isang kawanihan sa ilalim ng Kagawaran ng Katarungan ay natatag sa bisa ng Presidential Decree No. 968, na lalong kilala sa katawagang Probation Law of 1976, na pinagtibay ni Pangulong Ferdinand E. Marcos noong Hulyo 24, 1976. Matatandaan na noong 1987 ay nasama na sa kanilang pangangalaga ang mga parolado o pinagkalooban ng conditional pardon ng Pangulo ng Bansa, matapos na ang dekreto ay masusugan ng Executive Order No. 292 na pinagtibay naman ni Pangulong Corazon C. Aquino noong Hulyo 25, 1987,

Ang mga sumasailalim ng subok-laya ay ang mga nahatulan ng hukuman sa unang pagkakataon ng kaparusahang pagkabilanggo na hindi hihigit sa anim (6) taon. Gayon pa man, nabanggit ni Bb. Deangkinay na may mga nahahatulan sa paglabag ng ilang umiiral na batas ang hindi ipinahihintulot na mapagkalooban ng kaluwagan sa ilalim ng Parole and Probation Law, tulad ng mga napaparusahan sa paglabag ng Anti-Electricity and Electric Transmission Lines/Materials Pilferage Act of 1994 o Batas Republika Bilang 7832, sapagka;t ang pagnanakaw ng mga kagamitan sa mga linya ng kuryente ay ipinalalagay na economic sabotage o pagsabotahe sa kabuhayang pambansa. (RET/7LPC)

SEMINAR/WORKSHOP NG CSWMO, SISIMULAN NA

San Pablo City – Nakahanay na ang isinusulong na seminar workshop sa mga paaralan, tanggapan at mga barangay ng City Solid Waste Management Office (CSWMO) hinggil sa probisyon ng RA 9003 (Solid Waste Management Act) ngayong buwan ng Hunyo kaalinsabay ng pagbubukas ng klase.

Ayon kay Engr. Ruel Dequito, San Pablo CSWMO Chief, ay tatalakayin sa nasabing seminar ang tamang pamamaraan ng segregasyon ng basura buhat sa pinagmumulan nito para sa wastong pangangasiwa at ang paglalagay ng material recovery facility (MRF) sa bawat barangay at paaralan.

Bago ang workshop ay una nang nagkaroon ang City Hall Compound at San Pablo City Shopping Mall ng naturang seminar para sa MRF..

Sa kasalukuyan ay nagsasanay na ang mga tauhan ng CSWMO upang maging bahagi ng binubuong SWM Task Force na magpapatupad ng batas na itinatagubilin ng RA 9003.

Nagbabala si Dequito na buong higpit nilang ipatutupad ang batas laban sa pagkakalat ng basura para sa kalinisan ng lunsod, katunayan ay naghanda na ang kanyang tanggapan ng alituntuning ipasusunod upang ganap na maging tagumpay ang nasabing proyekto. (NANI CORTEZ/SANDY BELARMINO)

MALIGAYANG PAGDATING

Ang mag-asawang Ariston “Maning” A. Amante at Glenda Amante matapos bumisita sa mga Tanggapan ng Lokal na Pamahalaan ng San Pablo City. Dating mga kawani ng Lokal na Pamahalaan ang mag-asawang Amante at ngayo’y sa Estados Unidos na nagtatrabaho at namumuhay. Isang buwang mamalagi ang mga ito sa Lunsod upang madalaw ang kanilang mga kapamilya. Si Maning Amante ay anak ng mag-asawang ABC Pres. Gener B. Amante at Sta. Maria Magdalena Brgy. Chairperson Carmelita Alimon Amante. (SANDY BELARMINO)

SM STA. ROSA HOSTS CHESS MEET

WOOD PUSHER – Si G. Pedrito D. Bigueras (kaliwa) ng San Pablo City Information Office habang tinatanggap mula kay Danilo Devanadera ng Barangay Radio Control Unit, CIO, ang tropeyong kanyang napagwagian sa katatapos lamang na 2008 Laguna Non-Master Chess Championship na isinagawa kamakailan sa SM Sta. Rosa, Laguna at sponsored ng Laguna Chess Association (LCA). (SANDY BELARMINO)



SM Sta. Rosa hosted the 2008 Laguna Non-Master Chess Championship sponsored by Laguna Chess Association (LCA) and participated by 49 promising wood pushers in Calabarzon Region.

The two-day met, six round roving tournament provided an avenue to enhance the talents of home grown chessers in the region to prepare them on bigger league. The tournament according to LCA president Dr. Alfred Paez of Cabuyao was just one of the programs the association sponsors to sharpen the skills of the regional chess players.

Proclaimed winners were the following: First Prize: Rodolfo Ponopio, Calamba City; Second: Ricky Merano, San Pedro; third: Christopher Dejayco, Manila; fourth: Arnel Pinero, Sta. Cruz and fifth: Danilo Devanadera, San Pablo City.

Top ten players include Vicente Vargas, Cabuyao; Roy Manaloto; Mustapha Poingan, San Pablo City; Balden Corpuz and Ildefonso Mantupar, San Pablo City.

Prizes are P5,000, P3,000, P2,000, P1,000 and P500 for first, second, third, fourth and fifth place respectively. (NANI CORTEZ)

OPERATION BLUE LIGHT, BUBUHAYIN

Bahagi ng security plan, ay muling ipatutupad ng pamahalaang panlalawigan ang operation blue light upang maiwasan ang paglala ng kreminalidad na sanhi ng iba’t-ibang kadahilanan sa apat na sulok ng lalawigan.

Una rito ay pinapurihan ni Gob. Teresita S. Lazaro ang Laguna Provincial Police Office (LPPO) sa pangunguna ni Provincial Director P/S Supt. Felipe Rojas Jr. sa maagang pagka-resolba ng RCBC robbery hold-up case kung saan 10 katao ang nasawi at Hurnalan massacre na ikinamatay ng walo at ikinasugat ng 6 na katao.

Sa pulong na ipinatawag ng gobernador sa kapitolyo dito na dinaluhan nina PD Rojas, BM Reynaldo Paras, Valentin Guidote ng Peace and Order Council at lahat ng hepe ng kapulisan ng bawat bayan ng lalawigan ay napagkasunduang muling buhayin ang pagpapatupad ng paglalagay ng mga pulis sa mga chokepoints ng lalawigan.

Nakapa-ilalim sa nasabing istratihiya ang pagtatag ng combined forces na bubuuin ng pulisya, military, BPSO, mga samahang sibiko at NGO, at mga Lagunenseng nagmamahal sa katahimikan ng probinsya, na siyang gaganap na mga law enforcers sa itatayong himpilan ng blue light outpost sa mga istratihikong lugar.

Nagpahayag na ang business sector ng pakikiisa sa gawain sa pamamagitan ng pagbibigay ng mga sasakyan at iba pang gamit pang-komunikasyon. (NANI CORTEZ)

ECONOMICS AND DISPENSATION OF JUSTICE

Probably the parallelism is not so sound about economics and dispensation of justice. We can argue that justice can be dispensed without taking economics into consideration. But whether we like it or not economics has it own big share in the effective and fair dispensation of justice.

There may be congenitally corrupt person but that is negligible in number as a matter of fact there could be none. It is the conglomeration of different factors after birth that usually corrupts a person. Weak moral fibers are easily snapped by necessity, the lure of having more than expected. People in the office dispensing justice are not different from other persons trying to earn a living. Give them enough to live decently and they will in all probability love and respect their position but make them miserable many will fall prey easily to corruptors.

Take the case of judiciary, there has been a long wait before the compensation of judges was raised to alleviate their economic sufferings. Those good lawyers in the private practice refrained from even entertaining the idea of being a judge. The principal concern is the minimal income.. The JBC tasked to select the judges to be appointed has to make do with only those that come along. Usually but not all those who applied passed their prime, already aged and would like to retire as judge or those who have no guts to face the rigor of court trial. But there are few of course in whose family runs the blood of being judge or justice. They are aggressive competent and ambitious. These are rare breed similar to some idealist but they can be seen far in between and not even enough to fill five per cent of the needs for competent judges.

In the same manner the dispensation of justice more particularly in the criminal justice system there is a need to increase the number of prosecutors to be at par with the increasing number of courts and judges. Without the sufficient number of competent prosecutors immensely the trials of criminal cases will suffer undue delay.

Just the same, the hindrance for the effective recruitment of prosecutors is economic gains. An earning practitioner will not sacrifice his big income mostly tax free for the sake of ideals that is to help clear the ever increasing dockets of pending criminal cases. On top of that small earning prosecutor has to performed formidable task of being a quasi judicial hearing officer. He determines whether a criminal case should be filed or not in court. After filing the case, he is expected to convince the court that the accused he charged is guilty to secure conviction. Otherwise he is an unworthy prosecutors accused of unduly harassing helpless citizens

Probably if the judges are granted amelioration from their economic suffering prosecutors too are equally in need of similar treatment. Probably too the increasing 40 % vacancy would be filled up as fast as it is vacated by retiring or transferring prosecutors. Not only that, the Department of justice could select the best there is in the field. (SANDY BELARMINO, 7LPC)