San Pablo City – Maglalaan ng P100-Milyong piso ang Pamahalaang Panlalawigan sa susunod na tatlong taon kaugnay sa programang Todo-Sigla Laguna sa Agrikultura na magsisimula sa taong 2009 hanggang 2011 bilang pang-alalay sa sector ng magsasaka ng naturang probinsya.
Ito ang inihayag ni Provincial Administrator Dennis S. Lazaro (DSL) sa turn-over ceremonies ng mga gamit pangsakahan sa mga barangay ng lunsod na ito bilang bahagi ng Priority Program/Project ng Tanggapan ng Gobernador. Labing-walong barangay ang tumanggap ng water pump, soluble fertilizer at mga binhing gulayin.
Bilang panimula ayon kay DSL ay may inisyal na ilalaan ang Land Bank na 5 Milyong Piso at karagdagang halaga na P30-M pautang sa mga kooperatiba.
Layunin ng programa dugtong pa ni DSL na maitaas ang antas ng buhay ng mga magsasaka sa lalawigan sa patitibaying ugnayan ng kanyang tanggapan, provincial agriculturist at mga bayan at lunsod sa nasasakupan ng lalawigan.
Nagbigay kasiguruhan si DSL na ang programa ang maglalagay sa lalawigan sa pedestal ng kasaganaan sa larangan ng agrikultura patungo sa naising food sufficiency ng bansa. (SANDY BELARMINO/VP-Seven Lakes Press Corps)
Saturday, August 2, 2008
Thursday, July 31, 2008
MOBILE PASSPORTING PROJECT NI CONG. ARAGO, SA AGOSTO 21, 2008
San Pablo City – Isang malawakang Mobile Passporting Service ang nakatakdang ganapin ng Dept. of Foreign Affairs (DFA) sa Siesta Residencia de Arago, lunsod na ito sa pagtataguyod ni Congresswoman Ma. Evita “Ivy” R. Arago at sa pakikipagtulungan ng iba’t-ibang ahensya ng pamahalaan sa darating na Agosto 21, 2008.
Ang naturang proyekto ay nakagawiang isinasagawa ni Rep. Arago bilang alalay sa kanyang mga kababayang nagnanais magtrabaho sa ibayong dagat sa layuning mabigyan ng pagkakataon at kaluwagang makatipid ang mga ito, bukod pa sa katiyakang genuine ang passport na kanilang pinanghahawakan sa pagtungo sa ibang bansa kumpara sa uri ng pinadaan lamang sa ahensya.
Katulong ng mambabatas sa proyekto ang Office of the City Mayor Vicente B. Amante, mga tanggapan sa ilalim nito tulad ng Local Civil Registrar, Public Employment Services Offfice (PESO), City Admin Amben S. Amante at City Information Office, samantalang National Bureau of Investigation (NBI) at Commission on Election (COMELEC) ang buhat sa mga pambansang tanggapan.
Inaasahang sasamantalahin ng mga taga tercera distrito ang pagkakataong ito katulad ng mga nauna nang mobile passporting ni Cong. Arago kung saan ay mahigit 700 na ang napagkalooban ng passport. Ang mobile passporting service ay bahagi sa mga nakapaloob na adbokasiya ng IVY for the People, ang tanggapang nag-aaral at umaalam sa mga pangangailangan ng taumbayan sa ikatlong purok ng lalawigan.
Pinapayuhan ang mga kukuha ng passport na siguruhing kumpleto at wasto ang mga dokumentong ihaharap sa mga taga-DFA upang maiwasan ang suliraning maaaring idulot nito. Para sa higit na kabatiran ay magsadya sa tanggapan ni Cong. Arago sa dako ng Doña Leonila Park, Lunsod na ito o kayay tumawag sa Tel. No. 801-3109 o kaya’y sa 562-0650. (SEVEN LAKES PRESS CORPS)
Ang naturang proyekto ay nakagawiang isinasagawa ni Rep. Arago bilang alalay sa kanyang mga kababayang nagnanais magtrabaho sa ibayong dagat sa layuning mabigyan ng pagkakataon at kaluwagang makatipid ang mga ito, bukod pa sa katiyakang genuine ang passport na kanilang pinanghahawakan sa pagtungo sa ibang bansa kumpara sa uri ng pinadaan lamang sa ahensya.
Katulong ng mambabatas sa proyekto ang Office of the City Mayor Vicente B. Amante, mga tanggapan sa ilalim nito tulad ng Local Civil Registrar, Public Employment Services Offfice (PESO), City Admin Amben S. Amante at City Information Office, samantalang National Bureau of Investigation (NBI) at Commission on Election (COMELEC) ang buhat sa mga pambansang tanggapan.
Inaasahang sasamantalahin ng mga taga tercera distrito ang pagkakataong ito katulad ng mga nauna nang mobile passporting ni Cong. Arago kung saan ay mahigit 700 na ang napagkalooban ng passport. Ang mobile passporting service ay bahagi sa mga nakapaloob na adbokasiya ng IVY for the People, ang tanggapang nag-aaral at umaalam sa mga pangangailangan ng taumbayan sa ikatlong purok ng lalawigan.
Pinapayuhan ang mga kukuha ng passport na siguruhing kumpleto at wasto ang mga dokumentong ihaharap sa mga taga-DFA upang maiwasan ang suliraning maaaring idulot nito. Para sa higit na kabatiran ay magsadya sa tanggapan ni Cong. Arago sa dako ng Doña Leonila Park, Lunsod na ito o kayay tumawag sa Tel. No. 801-3109 o kaya’y sa 562-0650. (SEVEN LAKES PRESS CORPS)
GALLONER'S CLUB, BINUO
San Pablo City - Sa pagwawakas ng Blood Donors Month ngayong buwan ng Hulyo ay pormal na binuo ang Galloners’ Club ng Philippine National Red Cross (PNRC) San Pablo City Chapter sa layuning mapasigla ang paghahandog ng dugo bilang makabuluhang ambag ng isang indibidwal sa lipunan.
Mayroong itong 23 kasapi at natalaga bilang pangulo ng samahan si Dr. Emmanuel Loyola ng naturang lunsod.
Ang isang kasapi ayon kay Chapter Administrator Dorie Cabela ay kinakailangang nakapaghandog na ng hindi kukulangin sa isang galong dugo na karaniwang maaabot kung ang donor ay walong beses nang nag-donate ng dugo.
Normal na kinukunan ang isang blood donor ng hanggang 500 cc sa bawat extraction na maaaring isagawa sa tuwing maka-ikatlong buwan.
Hinikayat ni Loyola ang mga nagtataglay ng wastong kalusugan na ugaliing maghandog ng dugo sa Red Cross blood bank sapagkat ang mahalagang alay na ito ay tutungo sa iisang pakay na makapagligtas ng buhay.
Tiniyak pa ni Loyola na ang dugong naibahagi ay magagamit na pandugtong buhay at may posibilidad aniya na ang buhay na tinutukoy ay sa mismong blood donor. (NANI CORTEZ)
Mayroong itong 23 kasapi at natalaga bilang pangulo ng samahan si Dr. Emmanuel Loyola ng naturang lunsod.
Ang isang kasapi ayon kay Chapter Administrator Dorie Cabela ay kinakailangang nakapaghandog na ng hindi kukulangin sa isang galong dugo na karaniwang maaabot kung ang donor ay walong beses nang nag-donate ng dugo.
Normal na kinukunan ang isang blood donor ng hanggang 500 cc sa bawat extraction na maaaring isagawa sa tuwing maka-ikatlong buwan.
Hinikayat ni Loyola ang mga nagtataglay ng wastong kalusugan na ugaliing maghandog ng dugo sa Red Cross blood bank sapagkat ang mahalagang alay na ito ay tutungo sa iisang pakay na makapagligtas ng buhay.
Tiniyak pa ni Loyola na ang dugong naibahagi ay magagamit na pandugtong buhay at may posibilidad aniya na ang buhay na tinutukoy ay sa mismong blood donor. (NANI CORTEZ)
Sunday, July 27, 2008
MAXIMUM TOLERANCE SA CALABARZON KAUGNAY SA SONA
Camp Vicente Lim, Laguna – Police visibility ang ipaiiral ng Police Regional Office (PRO-4A) sa mga lalawigan ng Calabarzon (Cavite, Laguna, Batangas, Rizal at Quezon) bilang paghahanda sa State of the Nation Address (SONA) ng Pangulong Gloria Macapagal-Arroyo ngayong Lunes ayon sa napagkasunduan sa isinagawang command conference dito.
Bagama’t nakalagay sa red alert ang buong pwersa ng pulisya ay ipatutupad nila ang maximum tolerance sa mga magsasagawa ng protesta upang maihayag ang kanilang saloobin ngunit hindi sila mangingiming ipatupad ang batas sa mga nagpaplanong maghasik ng kaguluhan.
Kaugnay nito ay maglalagay ang pulisya ng mga check point sa mga istratihikong lugar lalo na sa mga daang papasok sa Metro Manila at pangangalagaan ang mga lugar na pagdarausan ng protesta upang masigurong hindi malalahukan ng mga armadong grupo.
Sinabi pa ng source na ayaw ipabanggit ang pangalan na partikular nilang tinitingnan ang mga liwasan sa San Pablo at Sta. Rosa City maging ang junction sa Crossing ng Lunsod ng Calamba, ngunit hindi dapat itong ikabahala ng mga maka-kaliwang grupo sapagkat ang mga unipormadong pulis na kanilang makikita ay nandoon lang upang mapangalagaan ang katahimikan ng rehiyon. (NANI CORTEZ)
Bagama’t nakalagay sa red alert ang buong pwersa ng pulisya ay ipatutupad nila ang maximum tolerance sa mga magsasagawa ng protesta upang maihayag ang kanilang saloobin ngunit hindi sila mangingiming ipatupad ang batas sa mga nagpaplanong maghasik ng kaguluhan.
Kaugnay nito ay maglalagay ang pulisya ng mga check point sa mga istratihikong lugar lalo na sa mga daang papasok sa Metro Manila at pangangalagaan ang mga lugar na pagdarausan ng protesta upang masigurong hindi malalahukan ng mga armadong grupo.
Sinabi pa ng source na ayaw ipabanggit ang pangalan na partikular nilang tinitingnan ang mga liwasan sa San Pablo at Sta. Rosa City maging ang junction sa Crossing ng Lunsod ng Calamba, ngunit hindi dapat itong ikabahala ng mga maka-kaliwang grupo sapagkat ang mga unipormadong pulis na kanilang makikita ay nandoon lang upang mapangalagaan ang katahimikan ng rehiyon. (NANI CORTEZ)
Subscribe to:
Posts (Atom)
