Ang maagang pagpatak ng ulan sa kalagitnaan ng tag-init ay nagbabadya ng nalalapit na buwan ng mga bulaklak, na panahon ng Santacruzan, mga fiesta sa barangay at pa-liga sa buong nasasakupan ng Lunsod ng San Pablo. Ito rin ang buwan kung saan may pinakamaraming reunion ng mga angkan.
Dahil nga buwan ng mga bulaklak ay dito nagsimula ang kung tawagin noong una ay Flores de Mayo, na kinalauna’y tinawag na Santacruzan. Ang layunin nito sang-ayon sa mga nakatatanda ay upang manalanging umulan para mabasa ang bukirin, hudyat sa mga magsasaka upang simulang magtanim sa kanilang mga halamanan.
Kaakibat ng Santacruzan ay ang masayang pagtatapos at sabi rin ng mga nakatatanda ay siyaman o tapusan. Dito inililitaw ng bawat nayon ang magagandang hiyas na siyang gumaganap na Reyna Elena, na buong ningning na itinatampok sa prusisyon.
Pinakamaraming barangay kahit saan ang nagdaraos ng kanilang kapistahan sa buwan ng Mayo, palibhasa’y ang santong si San Isidro ang patron ng mga magsasaka. Ito ay isang uri ng pasasalamat at panalangin sa mga masaganang ani na tinatamasa ng bawat magbubukid.
Ganito ang tanawin sa lahat ng baryo na nagdaraos ng fiesta, hindi man si San Isidro ang patron saint. Bumubuhos ang handaan na halos ang natipid ng bawat tahanan ay halos inuubos sa pag-aalay at pasasalamat sa Poong Mahal.
Palibhasa’y bakasyon sa mga paaralan ay may manaka-nakang dumarating sa baryo upang gugulin doon ang bakanteng mga oras at araw. Kung siya ay dalaga ay nakatitiyak na siya ang dudumugin ng mga kabinataan doon upang magpasaring na humahantong sa ligawan, ganoon din kung binata ang darating na kadalasa’y ang musa ng barangay ang pinapakay subalit agarang pinipigil ng mga nakatatanda dahil madalas kaysa hindi na sila pala’y magkamag-anak o magpinsan.
Ang mga ito ang karaniwang tanawin sa mga barangay kapag sumasapit ang buwan ng Mayo, at ang pinakabagong karagdagan ay ang palaro ng mga kabataan tulad ng liga ng basketball, na sa buwang iyon din ginaganap. Kaya lang ay talagang hanggang Mayo lang ito sapagkat bihirang matapos ang anumang liga sa barangay?!(SANDY BELARMINO)
Saturday, April 25, 2009
Thursday, April 23, 2009
QUIAMBAO, CUM LAUDE NG UST B.S. BIO
Nasa Larawan si Bb. LOU FRANCHESCA GAMO-QUIAMBAO na kamakailan ay nagtapos sa kanyang pag-aaral bilang CUM LAUDE ng kursong B.S. BIOLOGY sa Unibersidad ng Santo Tomas. Si Quiambao ay anak ng mag-asawang doktor na sina Dra. Lourdes Gamo Quiambao at Dr. Ed. Quiambao ng San Pablo City Health Office. Sa darating na pasukan ay sa naulit na Unibersidad ng Sto. Tomas sa Maynila magiging incoming first year medicine student si Bb. Lou G. Quiambao. (sevcn lakes press corps/sandy belarmino)
Tuesday, April 21, 2009
BIYAHE NA DITO SA AMIN
Hindi gaanong karamihan ang mga nagsipag-biyahe patungong lalawigan ng Quezon at Bicol Peninsula noong nakaraang Miyerkules at Huwebes Santo upang samantalahin ang mahabang bakasyon.
Dalawang bagay lang marahil ang kadahilanan nito, ang una ay marami na ang nagsipag-uwian dahil sa tinatawag na long week-end simula noong Sabado, April 4 sapagkat declared special holiday ang Lunes Abril 6. Ang iba marahil sa kanila ay hindi na pumasok noong Martes at Miyerkules kung kaya’t itinuloy na lamang ang bakasyon.
Ang pangalawa naman ay hindi na lumayo ng pagbabakasyunan ang karamihan sapagkat mula Cavite, Laguna at Batangas ay marami nang tanawing kahali-halina na kanilang mapagpipilian. Tipid gastos na sa biyahe ay walang pagod pa nga naman, lalo’t kanilang maiisip ang mga naging karanasan nang nakaraang taon, na talaga namang usad pagong ang daloy ng trapiko sA Maharlika Highway.
Sa madaling sabi ay mas pinili ng ilan ang mga probinsiyang malapit sa kamaynilaan.
Ala eh, isa sa mga lugar na dinadayo ng mga domestic tourist ay ang Lunsod ng Pitong Lawa, na bukod sa malapit lang ay hospitable pa ang mga residente. At sa tanawin ay talaga namang hindi pahuhuli sa mga nakagawian nang puntahan ng ating kapwa Pinoy partikular ng mga taga Maynila.
Nandito na sa San Pablo ang mga world class resorts na nakasisigurong makalulunas sa nararamdamdamang alinsangan ng ating mga kababayan. Saan lugar ka ba namang makakapag-langoy sa swimming pool na free-flowing buhat sa batis ang tubig na iyong pinanliliguan. At nakatitiyak pa ang lahat na malinis ang tubig sapagkat nagbuhat nga ito sa dumadaloy na tubig.
Ano pa’t ganito halos ang mga resorts sa San Pablo kung kaya’t ubod ng lamig ng tubig at menos gastos pa dahil presyong kamag-anak wika nga ang entrance fee. “One to sawa” kung gusto mong magbabad sa pool.
At sa mga can afford wika nga ay marami silang mapagpipilian. Nandiyan ang Rockpoint sa Barangay San Antonio 2, Tierra de Oro sa San Antonio 1 (Balanga), Bato Spring Resort sa Brgy. San Cristobal, Dioko Farm sa San Joaquin, Maria Paz sa Sta. Filomena, Bukid Garden sa Concepcion, Boying Resort, Countryside at Crista Monte sa Brgy. Sto. Angel, Star Lake sa Brgy. Palakpakin at marami pang iba na personalized service dahil ang mga owner ay doon mismo nakatira sa resort.
Kaya biyahe na po tayo dito sa Lunsod ng San Pablo. (SANDY BELARMINO)
Dalawang bagay lang marahil ang kadahilanan nito, ang una ay marami na ang nagsipag-uwian dahil sa tinatawag na long week-end simula noong Sabado, April 4 sapagkat declared special holiday ang Lunes Abril 6. Ang iba marahil sa kanila ay hindi na pumasok noong Martes at Miyerkules kung kaya’t itinuloy na lamang ang bakasyon.
Ang pangalawa naman ay hindi na lumayo ng pagbabakasyunan ang karamihan sapagkat mula Cavite, Laguna at Batangas ay marami nang tanawing kahali-halina na kanilang mapagpipilian. Tipid gastos na sa biyahe ay walang pagod pa nga naman, lalo’t kanilang maiisip ang mga naging karanasan nang nakaraang taon, na talaga namang usad pagong ang daloy ng trapiko sA Maharlika Highway.
Sa madaling sabi ay mas pinili ng ilan ang mga probinsiyang malapit sa kamaynilaan.
Ala eh, isa sa mga lugar na dinadayo ng mga domestic tourist ay ang Lunsod ng Pitong Lawa, na bukod sa malapit lang ay hospitable pa ang mga residente. At sa tanawin ay talaga namang hindi pahuhuli sa mga nakagawian nang puntahan ng ating kapwa Pinoy partikular ng mga taga Maynila.
Nandito na sa San Pablo ang mga world class resorts na nakasisigurong makalulunas sa nararamdamdamang alinsangan ng ating mga kababayan. Saan lugar ka ba namang makakapag-langoy sa swimming pool na free-flowing buhat sa batis ang tubig na iyong pinanliliguan. At nakatitiyak pa ang lahat na malinis ang tubig sapagkat nagbuhat nga ito sa dumadaloy na tubig.
Ano pa’t ganito halos ang mga resorts sa San Pablo kung kaya’t ubod ng lamig ng tubig at menos gastos pa dahil presyong kamag-anak wika nga ang entrance fee. “One to sawa” kung gusto mong magbabad sa pool.
At sa mga can afford wika nga ay marami silang mapagpipilian. Nandiyan ang Rockpoint sa Barangay San Antonio 2, Tierra de Oro sa San Antonio 1 (Balanga), Bato Spring Resort sa Brgy. San Cristobal, Dioko Farm sa San Joaquin, Maria Paz sa Sta. Filomena, Bukid Garden sa Concepcion, Boying Resort, Countryside at Crista Monte sa Brgy. Sto. Angel, Star Lake sa Brgy. Palakpakin at marami pang iba na personalized service dahil ang mga owner ay doon mismo nakatira sa resort.
Kaya biyahe na po tayo dito sa Lunsod ng San Pablo. (SANDY BELARMINO)
8/8 sa GAT TAYAW TSINELAS FESTIVAL
Liliw, Laguna - Kapapalooban ng walong (8) araw na selebrasyon ang ika-8 Liliw Gat Tayaw Tsinelas Festival bilang simbolikong pagbibigay diin sa temang Turismo at Produkto katulong sa Pag-asenso ng naturang pagdiriwang.
Nakatakdang simulan ang pestibal sa Abril 25 na tatagal hanggang Mayo 2 sa bayang ito.
Ayon kay Mayor Cesar Sulibit ay ang nakagawiang Banal na Misa ang magbubukas ng programa at pag-aalay ng bulaklak sa bantayog ni Gat Tayaw kasunod ng parada sa kabayanan. Sa opening night ay “Liliweños in Concert ng Sangguniang Kabataan kaakibat ng fire works display.
Kada hapon ay may street dancing competition and exhibition samantalang may gabi-gabing pagtatanghal at panooring masasaksihan ang bawat bisita, tulad ng Gabi ng magtsitsinelas, DSL Night, Stand up Comedy, Congresswoman Ivy Arago Night, Street Party at Search for Mutya ng Liliw sa huling araw ng pagdiriwang.
Idinugtong pa ni Sulibit na layunin ng pestibal na tulungan ang kanyang mga kababayan na maisulong ang kabuhayan at kultura, matanghal ang industriya ng tsinelas bilang pangunahing hanapbuhay at gawing tourist destination ang bayan ng Liliw. Kaugnay nito ay nakatakdang pasinayaan ang bantayog ng higanteng tsinelas sa nalolooban ng pestibal.
LILIW-LILIO-LILIW
Ang alindog ng Bayan ng Liliw ay kasingyaman ng kanyang kasaysayan, dahil ito ay masasabing lupang pinili upang gawing pamayanan, at isa ito sa mga pinaka-matandang bayan ng kapuluan. Naitatag ito ni Gat Tayaw noong 1571 na sang-ayon sa tala ay makaraan ang mahabang paglalakbay dulot ng sinaunang paniniwala.
Bawat lugar na himpilan ni Gat Tayaw ay nagtutulos siya ng kawayan upang padapuan ng ibon, subalit sa ilang pagkakataon ay hindi sumasangayon sa kanyang inaasahan. Hindi siya nagtugot sa paghahanap ng lupain at paglalakbay hanggang marating ang lambak, na mula sa itinulos na kawayan ay may dumapong kay gandang ibon na humuhuni ng LIW…LIW…LIW.
Buhat doon ay natatag ang Bayan ng Liliw kaalinsabay ng sariling kultura na naratnan na ng mga kastila. Pinalitan ito ng LILIO sa pananakop ng mga Amerikano dahilan sa nahihirapang silang banghayin ito. Subalit binawi ng mga Liliweños ang kanilang sariling identity, kayat noong Hunyo 11, 1965 sa resolusyong pinagtibay ng Municipal Council ay muling nabalik ang bayan ng LILIW.
TSINELAS LILIW, PAANO NAGSIMULA?
Tanyag ang Liliw sa dalisay at malalamig na batis, katunayan ay kaingit-ingit ang sinaunang sewerage ng bayan na animo’y sapa na dinadaluyan ng malinis na tubig buhat sa kabundukan.
Isa rin ang bayang ito sa pinagkukunan ng mga produktong agrikultural ng lalawigan at ang tanong marahil ay bakit tsinelas at saan ito nagmula?
Sa kakulangan ng tala sa ginawang pananaliksik ay kinapanayam ng pahayagang ito ang ilang nakatatandang Liliweño. Marami ang hindi nakababatid paano nagsimula ang industriya ng tsinelas sa Liliw at may mangilan-ngilang nag-ambag ng nalalaman. Iisa ang nakatitiyak, nagsimula ang industriya humigit-kumulang 60 taon na ang nakararaan.
Makaluma diumano ang pamamaraan sa paggawa ng mga tsinelas pambahay nang ito’y umpisahan ng Pamilya Dimacera, na pispis ng niyog ang pangunahing sangkap. Sa pagdaan ng panahon ay nakaramdam ang pamilya ng kasalatan ng supply sa raw materials hanggang magpasyang tumigil sa paggawa ng tsinelas, subalit ito’y makaraang may ilan silang maturuan sa pagbuo ng tsinelas.
Nagpasalin-salin ang kaalaman hanggang sumapit ang makabagong teknolohiya na nagpatanyag sa Liliw bilang footwear capital ng Laguna.
Ang Badong’s at Socialite Footwear ang mga pinaka unang pagawaan sa Liliw, na sinundan ng Vinsan, Mitz, Chit’s at ilan pang anim na dekadang dinarayo ng mga turistang Pinoy at banyaga.(NANI CORTEZ)
Nakatakdang simulan ang pestibal sa Abril 25 na tatagal hanggang Mayo 2 sa bayang ito.
Ayon kay Mayor Cesar Sulibit ay ang nakagawiang Banal na Misa ang magbubukas ng programa at pag-aalay ng bulaklak sa bantayog ni Gat Tayaw kasunod ng parada sa kabayanan. Sa opening night ay “Liliweños in Concert ng Sangguniang Kabataan kaakibat ng fire works display.
Kada hapon ay may street dancing competition and exhibition samantalang may gabi-gabing pagtatanghal at panooring masasaksihan ang bawat bisita, tulad ng Gabi ng magtsitsinelas, DSL Night, Stand up Comedy, Congresswoman Ivy Arago Night, Street Party at Search for Mutya ng Liliw sa huling araw ng pagdiriwang.
Idinugtong pa ni Sulibit na layunin ng pestibal na tulungan ang kanyang mga kababayan na maisulong ang kabuhayan at kultura, matanghal ang industriya ng tsinelas bilang pangunahing hanapbuhay at gawing tourist destination ang bayan ng Liliw. Kaugnay nito ay nakatakdang pasinayaan ang bantayog ng higanteng tsinelas sa nalolooban ng pestibal.
LILIW-LILIO-LILIW
Ang alindog ng Bayan ng Liliw ay kasingyaman ng kanyang kasaysayan, dahil ito ay masasabing lupang pinili upang gawing pamayanan, at isa ito sa mga pinaka-matandang bayan ng kapuluan. Naitatag ito ni Gat Tayaw noong 1571 na sang-ayon sa tala ay makaraan ang mahabang paglalakbay dulot ng sinaunang paniniwala.
Bawat lugar na himpilan ni Gat Tayaw ay nagtutulos siya ng kawayan upang padapuan ng ibon, subalit sa ilang pagkakataon ay hindi sumasangayon sa kanyang inaasahan. Hindi siya nagtugot sa paghahanap ng lupain at paglalakbay hanggang marating ang lambak, na mula sa itinulos na kawayan ay may dumapong kay gandang ibon na humuhuni ng LIW…LIW…LIW.
Buhat doon ay natatag ang Bayan ng Liliw kaalinsabay ng sariling kultura na naratnan na ng mga kastila. Pinalitan ito ng LILIO sa pananakop ng mga Amerikano dahilan sa nahihirapang silang banghayin ito. Subalit binawi ng mga Liliweños ang kanilang sariling identity, kayat noong Hunyo 11, 1965 sa resolusyong pinagtibay ng Municipal Council ay muling nabalik ang bayan ng LILIW.
TSINELAS LILIW, PAANO NAGSIMULA?
Tanyag ang Liliw sa dalisay at malalamig na batis, katunayan ay kaingit-ingit ang sinaunang sewerage ng bayan na animo’y sapa na dinadaluyan ng malinis na tubig buhat sa kabundukan.
Isa rin ang bayang ito sa pinagkukunan ng mga produktong agrikultural ng lalawigan at ang tanong marahil ay bakit tsinelas at saan ito nagmula?
Sa kakulangan ng tala sa ginawang pananaliksik ay kinapanayam ng pahayagang ito ang ilang nakatatandang Liliweño. Marami ang hindi nakababatid paano nagsimula ang industriya ng tsinelas sa Liliw at may mangilan-ngilang nag-ambag ng nalalaman. Iisa ang nakatitiyak, nagsimula ang industriya humigit-kumulang 60 taon na ang nakararaan.
Makaluma diumano ang pamamaraan sa paggawa ng mga tsinelas pambahay nang ito’y umpisahan ng Pamilya Dimacera, na pispis ng niyog ang pangunahing sangkap. Sa pagdaan ng panahon ay nakaramdam ang pamilya ng kasalatan ng supply sa raw materials hanggang magpasyang tumigil sa paggawa ng tsinelas, subalit ito’y makaraang may ilan silang maturuan sa pagbuo ng tsinelas.
Nagpasalin-salin ang kaalaman hanggang sumapit ang makabagong teknolohiya na nagpatanyag sa Liliw bilang footwear capital ng Laguna.
Ang Badong’s at Socialite Footwear ang mga pinaka unang pagawaan sa Liliw, na sinundan ng Vinsan, Mitz, Chit’s at ilan pang anim na dekadang dinarayo ng mga turistang Pinoy at banyaga.(NANI CORTEZ)
ARAW NG KAGITINGAN
Lumilitaw ang kagitingan sa bawat panahon at sa ibat-ibang uri ng pagkakataon kapag ang isang abang kalagayan ay nangangailangan ng pagkilos, paggawa ng aksyon at pagsasaisip ng tao na ang takdang oras ay ngayon na.
Sa Huwebes Santo, Abril 9 ay ipagdiriwang natin ang Araw ng Kagitingan upang muling gunitain ang mga magigiting nating ninuno na hindi inalintana ang kanilang kasasapitan sanhi ng pag-iisip mula sa pagkagising, pagbangon at pag-aaklas upang makaalpas sa gapos ng pagka-api at pagka-alipin.
Maraming pamamaraan maipamalas ang kagitingan at lagi itong bukas sa mga nagnanais ng pagbabago, maging sa oras ng kapayapaan o kagipitan. Ang kailangan lamang sa magkaibang sitwasyong ito ay tatag ng paninindigan at may nakalaang kasagutan sa bawat ninanais. Iba ang solusyon sa panahong payapa ang lahat dahil kagitingan na ang gawaing panatilihin ito, at iba rin ang galaw sa panahon ng kagipitan.
Magkasing-halaga ang papel ng humahawak ng sandata upang lumaban sa digmaan at nilalang na nag-iisip upang tiyaking sa tuwina ay hindi bibitiwan ang nasabing sandata. Pinanatili ng huli ang lagablab na siyang inspirasyon ng una sa labanan.
Wala itong ipinagkaiba sa kabayanihan ng mga Pilipinong Repormistang sina Dr. Jose Rizal, Marcelo H. del Pilar, Graciano Lopez-Jaena at marami pang iba kina Andres Bonifacio, Emilio Aguinaldo at mga kapanalig na nagtangan ng sandata. Wala rin ipinagkaiba ang sitwasyon nina Apolinario Mabini at Aguinaldo.
Walang itinangi ang saling lahi sa kanilang ambag na kagitingan na tulad sa pagtatampok sa isang pedestal kina Lapu-Lapu at Dagohoy. Naulit ito sa digmaang Pilipino laban sa mga Amerikano, hanggang sa nakalipas na ika-2 Digmaang Pandaigdig na laban sa mga mananakop na Hapones. Maraming magigiting ang nangabuwal at malaking bilang ang hindi natin nakilala, subalit hindi ito kabawasan sa kanilang kagitingan.
Kapwa natin sila gugunitain ngayong Araw ng Kagitingan ng walang itinatangi sapagkat inako nila ang hirap ng pagpapakasakit alang-alang sa kasunod nilang hererasyon. (sandy belarmino)
Sa Huwebes Santo, Abril 9 ay ipagdiriwang natin ang Araw ng Kagitingan upang muling gunitain ang mga magigiting nating ninuno na hindi inalintana ang kanilang kasasapitan sanhi ng pag-iisip mula sa pagkagising, pagbangon at pag-aaklas upang makaalpas sa gapos ng pagka-api at pagka-alipin.
Maraming pamamaraan maipamalas ang kagitingan at lagi itong bukas sa mga nagnanais ng pagbabago, maging sa oras ng kapayapaan o kagipitan. Ang kailangan lamang sa magkaibang sitwasyong ito ay tatag ng paninindigan at may nakalaang kasagutan sa bawat ninanais. Iba ang solusyon sa panahong payapa ang lahat dahil kagitingan na ang gawaing panatilihin ito, at iba rin ang galaw sa panahon ng kagipitan.
Magkasing-halaga ang papel ng humahawak ng sandata upang lumaban sa digmaan at nilalang na nag-iisip upang tiyaking sa tuwina ay hindi bibitiwan ang nasabing sandata. Pinanatili ng huli ang lagablab na siyang inspirasyon ng una sa labanan.
Wala itong ipinagkaiba sa kabayanihan ng mga Pilipinong Repormistang sina Dr. Jose Rizal, Marcelo H. del Pilar, Graciano Lopez-Jaena at marami pang iba kina Andres Bonifacio, Emilio Aguinaldo at mga kapanalig na nagtangan ng sandata. Wala rin ipinagkaiba ang sitwasyon nina Apolinario Mabini at Aguinaldo.
Walang itinangi ang saling lahi sa kanilang ambag na kagitingan na tulad sa pagtatampok sa isang pedestal kina Lapu-Lapu at Dagohoy. Naulit ito sa digmaang Pilipino laban sa mga Amerikano, hanggang sa nakalipas na ika-2 Digmaang Pandaigdig na laban sa mga mananakop na Hapones. Maraming magigiting ang nangabuwal at malaking bilang ang hindi natin nakilala, subalit hindi ito kabawasan sa kanilang kagitingan.
Kapwa natin sila gugunitain ngayong Araw ng Kagitingan ng walang itinatangi sapagkat inako nila ang hirap ng pagpapakasakit alang-alang sa kasunod nilang hererasyon. (sandy belarmino)
69TH FOUNDATION DAY NG LUNSOD SA MAYO 7
San Pablo City - Ipagdiriwang ng Lunsod na ito ang ika-69 taong pagkakatatag sa Mayo 7 na katatampukan ng Grand Santacruzan at parangal sa mga mapipiling Outstanding San Pableños na taon-taong ginagawa sa pag-gunita ng City Charter Day.
Magsisimula ang isang linggong selebrasyon sa pamamagitan ng mini-olympics sa Central School ground at Pamana Hall, susundan ng Battle of the Bands sa Mayo 4 sa Liwasang bayan at katuwaang Ms. Gay Contest sa Mayo 5.
Ayon kay City Administrator Loreto “Amben” Amante ay gaganapin ang Grand Santakruzan sa Mayo 6 na lalahukan ng Mutya ng San Pablo Jennifer Plerido na kasalukuyang reigning queen ng lalawigan sa kanyang pagkakapagwagi bilang Ms. Anilag ng Laguna.
Kasali rin dito ang Bb. San Pablo, Ms. Cocofest 2009 at iba pang nag-gagandahang dilag ng lunsod.
Samantala ay pinananabikan na ng mga residente ang mga mapipiling natatanging anak ng lunsod na pararangalan ngayong taon.
Ang award na ito ay iginagawad sa mga taal na tagarito na nangag-tagumpay sa kani-kanilang larangan, nakapagtala ng pambihirang kontribusyon sa sangkatauhan at nakapag-handog karangalan sa bayang kanilang sinilangang na tunay na maipagkakapuri at natatangi.(SANDY BELARMINO)
Magsisimula ang isang linggong selebrasyon sa pamamagitan ng mini-olympics sa Central School ground at Pamana Hall, susundan ng Battle of the Bands sa Mayo 4 sa Liwasang bayan at katuwaang Ms. Gay Contest sa Mayo 5.
Ayon kay City Administrator Loreto “Amben” Amante ay gaganapin ang Grand Santakruzan sa Mayo 6 na lalahukan ng Mutya ng San Pablo Jennifer Plerido na kasalukuyang reigning queen ng lalawigan sa kanyang pagkakapagwagi bilang Ms. Anilag ng Laguna.
Kasali rin dito ang Bb. San Pablo, Ms. Cocofest 2009 at iba pang nag-gagandahang dilag ng lunsod.
Samantala ay pinananabikan na ng mga residente ang mga mapipiling natatanging anak ng lunsod na pararangalan ngayong taon.
Ang award na ito ay iginagawad sa mga taal na tagarito na nangag-tagumpay sa kani-kanilang larangan, nakapagtala ng pambihirang kontribusyon sa sangkatauhan at nakapag-handog karangalan sa bayang kanilang sinilangang na tunay na maipagkakapuri at natatangi.(SANDY BELARMINO)
TIMOG KATAGALUGAN TUTOL SA RH BILL
San Pablo City - Umabot sa humigit kumulang sa isang kilometro ang protest march na “Walk for Life” na pinangunahan ng Knights of Columbus ng San Pablo at Church Oriented Organization bilang pagtutol sa House Bill 5043 dito kahapon ng umaga.
Hayagang kinondena ng mga lumahok sa martsa ang nasabing bill sapagkat tuwirang sumasalangsang sa aral ng Panginoon bukod pa sa mga mapaniil na probisyon na taglay ng panukalang batas.
Sakaling maging ganap na batas ay ipinag-uutos ng HB 5043 ang pagsusulong ng population control sa kaparaang tinutulan ng simbahan sapagkat immoral at bukas sa posibilidad na humantong sa legalize abortion.
Ayon kay Grand Knight Jehu Sebastian ay may mga probisyon ang HB 5043 na lumalabag sa tadhanain ng Saligang Batas partikular sa Section 12, Article II na nagsasaad na dapat kilanlin ng istado ang sanctity ng family life.
Nagsimula at nagtapos ang martsang Walk for Life sa Liceo de San Pablo Gym sa pamamagian ng banal na misa na pinangunahan ni Monseñor Leo Drona at buong kaparian ng Diocese, at palatuntunang dinaluhan ng mga pro-life advocates, propesyunal, manggagawa at mga mag-aaral.
Kinatawan nina Gob. Teresita Lazaro, SBM Karen Agapay, BM Rey Paras, Vice-Mayor Martin Ilagan at City Administrator Amben Amante ang panig ng pamahalaan.
Ang House Bill 5043 ay kasalukuyang tinatalakay pa sa Mababang Kapulungan kung kaya’t ang Knights of Columbus ay nananawagan sa taumbayan na gisingin ang kanilang mambabatas at hikayatin ang mga ito na tumutol sa panukala sa plenaryo ng kongreso.(NANI CORTEZ)
Hayagang kinondena ng mga lumahok sa martsa ang nasabing bill sapagkat tuwirang sumasalangsang sa aral ng Panginoon bukod pa sa mga mapaniil na probisyon na taglay ng panukalang batas.
Sakaling maging ganap na batas ay ipinag-uutos ng HB 5043 ang pagsusulong ng population control sa kaparaang tinutulan ng simbahan sapagkat immoral at bukas sa posibilidad na humantong sa legalize abortion.
Ayon kay Grand Knight Jehu Sebastian ay may mga probisyon ang HB 5043 na lumalabag sa tadhanain ng Saligang Batas partikular sa Section 12, Article II na nagsasaad na dapat kilanlin ng istado ang sanctity ng family life.
Nagsimula at nagtapos ang martsang Walk for Life sa Liceo de San Pablo Gym sa pamamagian ng banal na misa na pinangunahan ni Monseñor Leo Drona at buong kaparian ng Diocese, at palatuntunang dinaluhan ng mga pro-life advocates, propesyunal, manggagawa at mga mag-aaral.
Kinatawan nina Gob. Teresita Lazaro, SBM Karen Agapay, BM Rey Paras, Vice-Mayor Martin Ilagan at City Administrator Amben Amante ang panig ng pamahalaan.
Ang House Bill 5043 ay kasalukuyang tinatalakay pa sa Mababang Kapulungan kung kaya’t ang Knights of Columbus ay nananawagan sa taumbayan na gisingin ang kanilang mambabatas at hikayatin ang mga ito na tumutol sa panukala sa plenaryo ng kongreso.(NANI CORTEZ)
Monday, April 20, 2009
MGA NAGSIPAGTAPOS, MAGING SANGKAP SA PAGBANGON
Sa wakas ay nakaraos din ang maraming mga magulang na mapagtapos ang kanilang mga anak sa mga nasaksihan nating mga graduation ceremonies nang nakaraang buwan ng Marso at unang linggo ng buwang ito ng Abril.
Nakahulagpos kung baga sila sa problemang gastusin na kinakailangan ng mga mag-aaral at muling mahaharap sa isa pang mabigat na suliranin – kung saan maghahanap ng trabaho ang mga bagong nagsipagtapos na ito?
Sila ba ay madaragdag sa istatistika ng mga unemployed sa kasalukuyan?
Walang kasiguruhan kung kailan sila makatatagpo ng gawain sapagkat dulot ng pandaigdigang krisis sa ngayon ay mga nagbabagsakang bahay kalakal sanhi ng pagkalugi. Nagbubunga ito ng malawakang tanggalan sa trabaho na ang tindi ay hindi natin maiisip na mangyayari kaylan man.
Ang masakit pa nito ay mga bihasa na’t may mga kasanayan pa sa mga gawain ang mga nababawas sa labor forces. Sa isang banda nama’y dumarating ang mga bagong graduates na pawang nangagbabakasakali na mabigyan ng pagkakataong maipamalas ang kakayanan, at ito’y sa iisang tanggapan na hindi pa naglalawig sa pagsisante sa kanilang mga tauhan.
Matatagalan pa ayon sa mga eksperto bago makabangon ang industriya at komersyo ng daigdig. Bawat araw na magdaraan ay higit pa itong magiging kumplikado, subalit huwag na sanang pagtiyagaang hintayin pa ito ng mga bagong nagsipagtapos sa pag-aaral. Huwag na sana silang umasa sa pag-asa.
Total overhaul ang kailangan ng negosyo ng daigdig sa ngayon, may mga maling patakarang dapat baguhin at dito nakalalamang ang mga bagong graduate kung sila’y magpapakabayaning sumuong sa larangan ng kalakaran. Ang kanilang puhunan gaano man kaliit ay higit na matimbang kaysa sa laksa-laksang inutang ng mga higanteng negosyo makabangon lamang.
Umpisahan nawa ng mga bagong graduate na ito ang nararapat na gawin. Magsimulang maliit sa negosyo, gamitin ang makabagong istratihiyang natutunan sa paaralan at maging bahagi ng isang sangkap sa tunay na pagbangon (SANDY BELARMINO)
Nakahulagpos kung baga sila sa problemang gastusin na kinakailangan ng mga mag-aaral at muling mahaharap sa isa pang mabigat na suliranin – kung saan maghahanap ng trabaho ang mga bagong nagsipagtapos na ito?
Sila ba ay madaragdag sa istatistika ng mga unemployed sa kasalukuyan?
Walang kasiguruhan kung kailan sila makatatagpo ng gawain sapagkat dulot ng pandaigdigang krisis sa ngayon ay mga nagbabagsakang bahay kalakal sanhi ng pagkalugi. Nagbubunga ito ng malawakang tanggalan sa trabaho na ang tindi ay hindi natin maiisip na mangyayari kaylan man.
Ang masakit pa nito ay mga bihasa na’t may mga kasanayan pa sa mga gawain ang mga nababawas sa labor forces. Sa isang banda nama’y dumarating ang mga bagong graduates na pawang nangagbabakasakali na mabigyan ng pagkakataong maipamalas ang kakayanan, at ito’y sa iisang tanggapan na hindi pa naglalawig sa pagsisante sa kanilang mga tauhan.
Matatagalan pa ayon sa mga eksperto bago makabangon ang industriya at komersyo ng daigdig. Bawat araw na magdaraan ay higit pa itong magiging kumplikado, subalit huwag na sanang pagtiyagaang hintayin pa ito ng mga bagong nagsipagtapos sa pag-aaral. Huwag na sana silang umasa sa pag-asa.
Total overhaul ang kailangan ng negosyo ng daigdig sa ngayon, may mga maling patakarang dapat baguhin at dito nakalalamang ang mga bagong graduate kung sila’y magpapakabayaning sumuong sa larangan ng kalakaran. Ang kanilang puhunan gaano man kaliit ay higit na matimbang kaysa sa laksa-laksang inutang ng mga higanteng negosyo makabangon lamang.
Umpisahan nawa ng mga bagong graduate na ito ang nararapat na gawin. Magsimulang maliit sa negosyo, gamitin ang makabagong istratihiyang natutunan sa paaralan at maging bahagi ng isang sangkap sa tunay na pagbangon (SANDY BELARMINO)
BRGY MALAMIG, NAGTAGUYOD NG LIBRENG SUMMER CLASSES
San Pablo City - Nagsimula na nang nakaraang Lunes, Abril 13 ang inilunsad na libreng summer classes ng Barangay San Jose (Malamig) sa pakikipagtulungan ng St. Anne Carmille Academy at KANAYON Inc. sa lunsod na ito.
Ang proyekto para sa mga batang nagkakaedad ng tatlo hanggang walong taong gulang ay magtatapos sa Mayo 15.
Nakapaloob sa summer classes ang pagbibigay ng libreng pad paper, notebook, lapis, krayola at iba pang kakailanganin sa loob ng silid aralan.
Umabot sa 172 ang nagpatala, na hinati sa tatlong classroom batay sa kanilang edad na 3-4, 5-6 at 7-8 taong gulang.
Napag-alaman kina G. Rod A. Guia at Gng. Elsa F. Zagada, Pangulo at Bise Pangulo ng KANAYON Inc., na tatlong guro buhat sa San Jose, Del Remedio at Sto. Cristo Elementary School, na pawang volunteer, ang magtuturo sa mga batang nagpatala.
Ang summer classes na proyekto ni ABC President and San Jose Brgy. Chairman Gener B. Amante ay may layuning bigyan ng pagkakataon ang mga batang mag-aaral na tumuklas ng karagdagang kaalaman habang bakasyon, upang paghahanda na rin sa susunod na pasukan.
Umaalalay rin sa naturang proyekto ang bumubuo ng Barangay Council, St. Anne Carmille Academy na pinamumunuan ni Gng. Cel A. Gesmundo at mga residente ng lugar, sa pagtataguyod ng KANAYON Inc.. (SANDY BELARMINO)
Ang proyekto para sa mga batang nagkakaedad ng tatlo hanggang walong taong gulang ay magtatapos sa Mayo 15.
Nakapaloob sa summer classes ang pagbibigay ng libreng pad paper, notebook, lapis, krayola at iba pang kakailanganin sa loob ng silid aralan.
Umabot sa 172 ang nagpatala, na hinati sa tatlong classroom batay sa kanilang edad na 3-4, 5-6 at 7-8 taong gulang.
Napag-alaman kina G. Rod A. Guia at Gng. Elsa F. Zagada, Pangulo at Bise Pangulo ng KANAYON Inc., na tatlong guro buhat sa San Jose, Del Remedio at Sto. Cristo Elementary School, na pawang volunteer, ang magtuturo sa mga batang nagpatala.
Ang summer classes na proyekto ni ABC President and San Jose Brgy. Chairman Gener B. Amante ay may layuning bigyan ng pagkakataon ang mga batang mag-aaral na tumuklas ng karagdagang kaalaman habang bakasyon, upang paghahanda na rin sa susunod na pasukan.
Umaalalay rin sa naturang proyekto ang bumubuo ng Barangay Council, St. Anne Carmille Academy na pinamumunuan ni Gng. Cel A. Gesmundo at mga residente ng lugar, sa pagtataguyod ng KANAYON Inc.. (SANDY BELARMINO)
LOWER HOUSE NODS 2 ARAGO BILLS
Two bills of national importance filed by a Laguna solon were judiciously acted upon by the House of Representative before it went on recess last month.
The proposed bills authored by Laguna 3rd District Congresswoman Ma. Evita Arago namely Bill on Medical Profession and Bill Against Cell phone Snatching received massive support in the Lower House due to its exigency and applicability through out the country.
House records show that the Bill on Medical Profession had already been legislated and passed by the Lower Chamber and due for second reading in the Senate the moment both houses resume sessions this April.
After third reading said bill will be scrutinized by Bi-cameral Committee to iron out differences if any.
Meanwhile, the Bill Against Cell Phone Snatching is a piece of legislation past gaining respectability in congress as it solicit many lawmakers as co-sponsors due to its practicality in protecting cell phone owners that fall prey to bad elements causing property damages and precious lives as well.
It will provide stiffer penalties to violators if enacted. The Bill is now scheduled for second reading in the Lower House.
Cong. Arago is on her first term and in the past also sponsored bills and resolutions with local application. The lady lawmaker had co-sponsored numerous legislations which she help and depended in the plenary. (NANI CORTEZ)
The proposed bills authored by Laguna 3rd District Congresswoman Ma. Evita Arago namely Bill on Medical Profession and Bill Against Cell phone Snatching received massive support in the Lower House due to its exigency and applicability through out the country.
House records show that the Bill on Medical Profession had already been legislated and passed by the Lower Chamber and due for second reading in the Senate the moment both houses resume sessions this April.
After third reading said bill will be scrutinized by Bi-cameral Committee to iron out differences if any.
Meanwhile, the Bill Against Cell Phone Snatching is a piece of legislation past gaining respectability in congress as it solicit many lawmakers as co-sponsors due to its practicality in protecting cell phone owners that fall prey to bad elements causing property damages and precious lives as well.
It will provide stiffer penalties to violators if enacted. The Bill is now scheduled for second reading in the Lower House.
Cong. Arago is on her first term and in the past also sponsored bills and resolutions with local application. The lady lawmaker had co-sponsored numerous legislations which she help and depended in the plenary. (NANI CORTEZ)
Subscribe to:
Posts (Atom)
