BM KAREN AGAPAY, GANAP NANG ABOGADO

San Pablo City - Nanumpa na bilang ganap na abogado si Senior Board Member Katherine “Karen” C. Agapay ng 3rd district ng lalawigang ito makaraang mapansin ng Kataastaasang Hukuman ang hindi makatarungang pagka-antala ng kanyang pagganap sa tungkulin bilang isang manananggol.

Magugunitang pumasa si Agapay sa Bar Exam noong Setyembre 2005 subalit pansamantalang ipinagpaliban ng Office of the Bar Confidant ang kanyang panunumpa at paglagda sa Roll of Attorneys dahil sa walang basehang sakdal na inihain nina Dodi Banzuela at Iring Maranan sa Tanggapn ng Deputy Ombudsman for Luzon noong Enero 5, 2005, kaugnay sa loteng pagtatayuan ng isang paaralan.

Na-dismissed at tuluyang ibinasura ng Ombudsman ang naturang kaso for lack of probable cause, dahilan upang mabigyan ng clearance si Agapay.

Sa petisyon ni Agapay sa Korte Suprema ay Office of the Bar Confidant na ang humiling sa hukuman na bigyang pansin ang nasabing kahilingan, naging daan upang mapabilang ang naturang bokal sa Roll of Attorneys ng Pilipinas mula Mayo 5, 2008.

Sa panayam ng pahayagang ito kay Atty. Karen Agapay hinggil sa dalawang taong pagkaantala ng kanyang panunumpba bilang abogado ay sinabi niyang “Sadyang ganon. The law maybe harsh, but it is still the law. Ang importante, hindi naging hadlang ito upang patuloy akong tumulong sa mga kababayan ko sa Laguna.” (NANI C. CORTEZ/President- Seven Lakes Press Corps)

20 MILYONG PISONG PROYEKTO SA 44 BRGY. NG 3RD DIST. BUHAT SA PDF NI REP. ARAGO

San Pablo City - Humigit kumulang sa P20 Milyong Pisong halaga ng proyekto at pagawaing bayan ang ipinamahagi ng Tanggapan ni 3rd Dist. Congresswoman Ivy Arago sa 44 na barangay sa isinagawang simbolikong turn-over dito noong Huwebes ng umaga.

Ang proyekto ay kinapapalooban ng farm to market road para sa mga malalayong barangay, pagpapakumpuni ng mga school building, konstruksyon ng mga barangay hall at scholarship grant para sa mga kapus palad na mag-aaral. Ang nasabing halaga ay bahagi ng priority development fund (PDF) ni Rep. Arago.

Sinaksihan ang nasabing turn-over nina City Mayor Vicente B. Amante ng San pablo, Mayor Cesar Sulibit , Liliw; Mayor Wilnefredo Berris, Calauan; Mayor Nelson Osuna, Nagcarlan; Mayor Rolen Urriquia, Rizal at Mayor Dwight Kampitan ng Victoria sampu ng mga barangay official mula sa pitong bayan ng distrito. Hindi nakadalo si Alaminos Mayor Eladio Magampon dahil nagdaraos ng kaarawan sa kanyang bayan.

Bahagi ng nasabing programa ang pagpapasinaya sa isang ambulansyang gagamitin ng 3rd district, samantalang hinihintay pa ang ptiong mini-ambulance na nauukol sa bawat bayan. Kaalinsabay nito ayon kay Arago ay darating din ang isang farm truck na libreng magagamit ng mga magsasaka sa pagdadala ng kanilang inaani sa mga food terminals.

Sa kasalukuyan ay 78 barangay na ang nakinabang sa PDF ni Arago kabilang ang 34 na una ng napagkalooban ng proyekto nang nakaraang Pebrero.

Kaugnay nito ay nagbigay kasiguruhan ang mambabatas na patuloy siyang magsasagawa ng konsultasyon upang alamin ang pangangailangan ng kanyang nasasakupan. Lubos aniya silang kanyang pinahahalagahan kung kaya ang bawat pondo mula sa tao ay muli niyang ibinabalik sa mga ito.

Si Arago ay nasa unang taon ng panunungkulan bilang kinatawan ng ikatlong purok ng Laguna. (NANI CORTEZ/Pres. Seven Lakes Press Corps)

MGA NATATANGING SAN PABLEÑO, PINARANGALAN

San Pablo City - Labing-isang personahe na nakapagbigay kinang sa mga piniling larangan dito at maging sa ibang bansa ang pinarangalan bilang namumukod-tanging San Pabelño kaugnay sa pagdiriwang ng ika-68 taong pagkakatatag ng lunsod na ito noong Martes nang gabi.

Ang kanilang ambag sa lipunang ginagalawan ang naging pamantayan ng pagkakapagwagi na pinahalagahan ng mga samahang sibiko, NGO at iba pang propesyonal na pinanguluhan ni Dr. Ester Lozada ang Division of City Schools Superintendent.

Sina Mayor Vicente B. Amante at City Administrator Loreto “Amben” Amante ang naggawad ng karangalan, na sinaksihan nina Vice-Mayor Martin Ilagan, Bokal Rey Paras, mga miyembro ng Sangguniang Panlunsod, department head ng lokal na pamahalaan at mga kaanak ng mga awardee. Sumaksi rin ang mga opisyal ng DepEd.

Napili si Justice Arturo D. Brion sa larangan ng Government Service dahil bukod tanging San Pableño na nakapaglingkod sa tatlong sangay ng pamahalaan. Una na siyang naging mambabatas, kalihim ng Dept. of Labor and Employment at katatalaga lamang na associate justice ng Mataas na hukuman. Si Justice Rodrigo V. Cosico ng Court of Appeals ang sa Law and Judiciary dahil nagawa niyang mapabantog ang nag-iisang College of Law sa lunsod.

Sa Siyensiya at Teknolohiya ay naihanay ng Nobel laureate na si Dr. Rodel D. Lasco ang sarili sa mga matatalinong tao sa daigdig at sa larangan ng musika ay nagawang makapag-perform si Ester Alcantara Locson sa harap ng mga makakapangyarihang nilalang sa buong mundo. Hindi nagpahuli si Dr. Aristotle B. Alip sa larangan ng Rural Development sapagkat buhat sa kanyang kaisipan ay nabuo ang isang institusyon na mula sa San Pablo ay lumaganap dito at sa ibang bansa.

Malaki ang naiambag nina Renato A. Belen sa Agrikultura, Danilo D. Dichoso sa Engineering at Liza Danila sa Palakasan kung saan ay di mabilang na medalya ang naihandog sa lunsod buhat sa pakikipagpaligsahan sa ibayong dagat. Sa larangan ng Edukasyon ay buong pagkakaisang iginawad ang parangal kay Dr. Amelia A. Biglete na ngayo’y tumatayong CHED Regional Director sa Timog Katagalugan.

Hindi maisasantabi ang pagsisikap sa negosyo ni Plaridel de la Cruz na sa pag-angat ng kanyang produktong Collette’s Buko Pie ay kasamang umuunlad ang lunsod at lalong hindi matatawaran si G. Palermo A. Bañagale na bilang CPA ay simbolo ng integridad at katapatan. (NANI CORTEZ/Pres. Seven Lakes Press Corps)

ARISTEO K. PALOMAR, EPITOME OF FINE PUBLIC SERVANT

Character, they say, is perpetual wealth. Patience, perseverance and other related values lead anyone to have confidence on himself to realize the light after long journey, whereupon becomes the ultimate source of strength that breeds contentment.

For everybody to live he must work and anybody for that matter must work to live. It doesn’t matter that in order to live he must start on a far lowest level of echelon for as long as he is enjoying what he does and contented despite the odds which confronts him. There were harsh obstacles along the road but can be conquered so long as anybody is eagerly determined.

Success is a matter of contentment, disciplines and determination. It gives anybody inner pleasure, erases fear and worry to overcome envy and jealousy. With these, reaching the peak will not be far behind.

It was later that we knew, that the professional life of our retired City Treasurer Aristeo K. Palomar was no different from others. What we knew was his pleasure to serve, determination to impose discipline as to the mandate of his office and contentment on his calling as respected public servant.

At that instance, we saw him at the top, worked and dealt with him with complete innocence about his humble beginnings and the travails he’d gone through. City Treasurer Palomar created the steps which built his own destiny. He invested on himself that reaped dividends on his career.

Retired last May 1, 1995, the former city treasurer started as a lowly clerk, functioning as land tax campaigner at City Treasurer’s Office of Lucena City on September 11, 1963 for annual income of P1,680. There were obstacles along his path but for a man of integrity, honesty and as hardworking as he was, he rose from the ranks.

Promoted years later to supervisory position, his dedications brought him farther to middle-level management. He had totally conquered the challenges when he was appointed Asst. City Treasurer of Lucena in 1976 and eventually City Treasurer of San Pablo City in January 20, 1987. For 32 years, he was an epitome of loyal public servant, a morale he faithfully passed on among his children and his peers.

It’s been 13 long years since he retired from government service, but his good example will remain a classic, for others to follow and the youth to glorify.(SANDY BELARMINO/7LPC)

CONTAINER GARDENING, ISINAGAWA SA SPC-BJMP

San Pablo City – Sa pangunguna ni Major Wilmor Plopinio, hepe ng BJMP sa lunsod na ito ay isinagawa ang seminar hinggil sa “Container Gardening” para sa kapakinabangan ng mga inmates noong nakaraang Mayo 6. Ang inisyatiba ay agad na tinugon ng mga taga San Pablo City Agriculture Office na siyang nagsagawa ng naturang seminar.

Tinalakay ni Ms. Elizabeth M. Eseo, SPC Supervising Agriculturist ang iba’t ibang uri ng gulay na maaaring ipunla sa mga sira nang container. Ayon kay Eseo.angkop ang “container gardening” sa BJMP compound dahil sa kakulangan ng espasyong pagtataniman.

Binigyang halaga ni Eseo ang “Food Always In The Home” (FAITH), ang matagumpay na programa ng pamunuan ni Laguna Gov. Teresita S. Lazaro. Naging tanyag ang FAITH dahil sa sistematikong pagtatanim at pangangalaga ng mga gulay, prutas, mga halamang gamot at kauri nito na itinatanim sa bakanteng espasyo ng ating mga bakuran.

Ang paghahalaman sa mga piitan ay bilang pagtupad sa ipinalabas na kautusan ni BJMP Region 4A Director S/ Supt Norvel M. Mingoa, na inaatasan ang mga Provincial Jail Administrators at mga wardens na hikayatin ang mga inmates na magtanim ng gulay sa bakanteng lote ng mga piitan at ito’y tumutugon din sa naunang direktiba ni BJMP Chief General Rosendo M. Dial.

Matatandaan na ang San Pablo City BJMP ay nauna nang nagtanim ng halamang gulay sa tubig (Hyroponic) na natutunan ng mga inmates dahil sa matiyagang pagtuturo nina G.. Elmer Belen, SPC senior Agriculturist at ng ama niyang si G. Renato Belen, proprietor ng Ato Belen’s Farm ng Brgy. San Juan sa lunsod na itoat isa sa mapalad na napiling Most Outstanding San Pableño (Agriculture sector).

Nararapat ang mga ganitong kaalaman at pagsasanay upang sa oras ng paglaya ng mga BJMP’s inmates ay maging kapakinabangan ng lipunan at hindi na muling tahakin ang maling landasin.
(Sandy Belarmino/vp 7LPC)

HERMANO y HERMANA

Si Kapuso Nadine Samonte ng GMA Channel 7 kasama si City Administrator Loreto “Amben” Sahagun Amante bilang Hermano at Hermana Mayor sa nakalipas na Grand Santakrusan 2008 ng Lunsod ng San Pablo. Ang naturang Santakrusan ay bahagi ng pagdiriwang ng 68th Foundation Day ng San Pablo bilang isang lunsod. (Sandy Belarmino/7LPC)

MOST OUTSTANDING SAN PABLEÑOS

Nasa larawan ang Outstanding San Pableño 2008. (Left to Right) Mr. Plaridel G. de la Cruz, Justice Arturo D. Brion, Engr. Danilo D. Dichoso, Mr. Palermo A. Bañagale, Justice Rodrigo V. Cosico, Mrs. Ester A. Locson, Dr. Amelia A. Biglete, Dr. Jaime Aristotle B. Alip, Dr. Rodel D. Lasco, Ms. Marie-Lizza Toinette F. Danila at Mr. Renato A. Belen. (Seven Lakes Press Corps/sandy belarmino)