BOLINGBROOK AT SAN PABLO, SISTER CITY NA

BIG BROTHERS- Buo ang tiwala sa isa’t-isa nina San Pablo City Mayor Vicente B. Amante at City of Bolingbrook Mayor Roger C. Claar makaraang lagdaan nila ang kasunduan sa pagtatatag ng sisterhood accord sa pagitan ng dalawang siyudad.


San Pablo City - Nilagdaan kagabi ang kasunduan sa pagitan ng Bolingbrook City, Estado ng Illinois USA at Lunsod na ito ang isang accord upang matatag ang kapatiran sa seremonyang ginanap dito.

Layunin ng sisterhood agreement na mapalawak ang unawaan ng mga mamamayan ng dalawang siyudad bilang kanilang bahagi sa kapayapaan at pag-unlad ng daigdig.

Pinangunahan ni Mayor Roger Claar ang delegasyon ng Bolingbrook kasama ang ilang opisyal na may kinalaman sa edukasyon, planning at kapulisan. Naglibot sa buong lunsod sina Claar maaga pa lamang upang dalawin ang ipinagmamalaking pitong lawa ng lugar na ito, sampu nang plantasyon ng niyog kung saan finish product nang dumarating sa kanilang bansa.

Ikinatuwa ng delegasyon ang mainit na pagtanggap sa kanila ni Mayor Vicente B. Amante at Sangguniang Panlunsod na may kaangkupan sa seremonya, higit pang ikinalawak ng unawaan sa larangan ng kalakalan, edukasyon, aghan at teknolohiya, at komersyo.

Bilang unang hakbang isang kalye sa lunsod na ito ang pinangalanang Bolingbrook, samantalang mag-aalay din ang nasabing lunsod ng City of Seven Lakes Street bilang pagpapahalaga sa siyudad na ito.

Ang paglagda nina Amante at Claar ay sinaksihan nina Mayor Nicholas E. Churnovie ng Crest Hill at Mayor Joseph N. Cook Jr. ng Channahan City ng Illinois, USA.

Ang delegasyon ay binubuo nina Lindsey M. Claar, civic leader; Atty. James S. Boan, village attorney; Mr. Talat Rashid, businessman; Ms. Sandy S. Swinkunas, village trustee; Mrs. Sandra Rae Calcagno, Elementary School Asst.; Ms. Libby Runge, Planning Commissioner; Mr. Steven A. Quigley, Liason Officer; Arch. Richard W. Snyder, builder; Mr. Prem T. Lalvani, Commissioner of Police and Fire Board; Ms. Bernadette Encarnacion, Businesswomen at Dr. Mesuri na isang industrialist. (SANDYBELARMINO)

IMMERSE TO THE RESORTS OF SAN PABLO AND SEARCH ITS MYTHS

Visitors of resorts in San Pablo can totally enjoy the mirth it offers if they can discover the unique stories of their simple beginnings, where synopsis will spark splendor. Summed up by aspiration accomplished through patience and perseverance.

Each resort has its own story to tell unparalleled by any plot of whoever playwright though events may be subtle but just the same, the human interest behind is inviting, that clamors universal appeal. Resorts, big or small in this city, rests on solid foundations where legends though untold are interesting discovery and fine as any other success story one can hear and learn.

Its name will suggest how it got started. This year’s run-away winner as best resort in the province was once a garden, supplier of ornamental plants and grasses for best landscapers in Manila. It eventually became family rendezvous during weekends until it indulged to the wishes of the clan that a swimming pool be built.

Even then, indulgence was not that easy. The owner had to take into account the financial aspect of the facility yet when there is passion positively visualized, the tough gets going. Honoring his grandmothers on both sides, Mr. Alex Emlano labeled it MARIA PAZ Royale Garden Resort at Barangay Sta. Filomena (Banlagin).

Faith established TIERRA DE ORO Hotel and Resort in Barangay San Antonio (Balanga) along the stretch of Km. 89 Maharlika Highway. Tourism statistics in the city was still blurred, project study was based to none yet faith always beat science. Atty. and Mrs. Marius Zabat have faith in their venture, they have on tourist discriminating taste, they have faith on fellow San Pableños and they have faith in themselves. When faith to a vision resides, nobody will ever fail.

The impetus is for nature, built primarily as butterfly habitat, DIOKO’S BUTTERFLY FARM and RESORT gained well-deserved prominence out of this extra-ordinary sanctuary, it housed insects that symbolized flowering plants, later with other wild life and fowls, this resort is one of the best thing to happen in Brgy. San Joaquin and to City of Seven Lakes as well.

With a heart that listens, heart that understands and heart that cares ROCKPOINT HOTEL and RESORT is the city’s last hurrah. Owned and operated by Antonio Family at Brgy. San Antonio 2 (SAPA), this resort-hotel offers personalized service at its best, so tempting for tourist to end their journey to rest and relax, on modern ambiance yet with environment of tranquility. In fact its an edifice with a heart.

Enjoy the cool and calmness of resorts in San Pablo City and immerse to search the myths. (SANDY BELARMINO/7LPC)

PRODUKSYON NG PAGKAIN, PATULOY NA PINASISIGLA

Muling tinagubilinan ni Alkalde Vicente B. Amante ang Office of the City Veterinarian, at ang Office of the City Agriculturist upang higit pang pasiglahin ang kanilang pagsasakit na mapatatag ang industriya ng paghahayupan sa lunsod na ito, kaalinsabay ng paghikayat sa marami pang magsasaka ng magtanim ng gulay at iba pang halamang madaling mapag-anihan at pagkakitaan.

Masasabing nagtatagumpay sa lunsod na ito ang paglilingkuran ng Tanggapan ng Beterinaryo ng Lunsod sa pagsasagawa ng mga malawakang pagbabakuna ng iba’t ibang hayop, kasama na ang pagbabakuna ng mga aso laban sa rabis, upang manatiling matatag ang pagpaparami at pagpapalaki ng baboy, bagama’t isang katotohanang maliiit na ang kita sa pagbababuyan dahil sa patuloy na tumataas ang halaga ng pakain, at maging ng gugulin sa pangangalaga ng kalusugan ng mga alagaing hayop.

Sa panig ng Office of the City Agriculturist, magaganda ang mga punlang napaunlad dito, tulad ng hybrid Rambutan, Longkong at Doko na nakakahawig ng lansones, langka, at iba pa, na kung sisinupin ang pagkakatanim ay magandang pamuhunanan sa hinaharap. (7LPC)

MALAPIT LAMANG ANG HIGH SCHOOL SA MAG-AARAL- ADMIN AMBEN

Sa mga palatuntunan ng pagtatapos na dinadaluhan ni City Administrator Loreto “Ambern” S. Amante, bilang personal na kinatawan ni Alkalde Vicente B. Amante, pinapayuhan niya ang mga nagsisipagtapos ng elementarya na magkaroon ng pagkukusa at pagmamalasakit na makapagpatuloy ng pag-aaral sa high school, sapagka’t dapat tanggapin ang katotohanang ang pagkakaroon ng high school education ay susi para ang isang tao ay magkaroon ng magandang pagkakataon para sa ipagkakaroon ng matatag na hanapbuhay at maayos na pamumuhay sa hinaharap. Ayon sa kanya, “ang pagiging high school graduate ay isang tulay paliban o patawid sa magandang pagkakataon.”

Naniniwala si Amben Amante na “Ang edukasyon ang pundasyon at haligi para sa matatag na hinaharap ng mga kabataan” o “I share the belief that Education is the foundation and pillar of our children’s future:”

Ipinaaalaala ni Amben Amante na dito sa Lunsod ng San Pablo, sa ilalim ng pangangasiwa ni Mayor Vicente Amante, ay nakapagbukas ng sampung (10) yunit pa ng mataas na paaralan, kaya ngayon ay mayroon ng 14 high school campuses sa buong lunsod, kaya ang lahat ng tatapos ng elementarya na residente ng lunsod ng San Pablo ay kayang lakarin na lamang ang pinakamalapit na mataas na paaralang kung saan nila maipagpapatuloy ang pag-aaral. Hindi pa sila malalayo sa pagsubaybay ng kanilang mga magulang.

Sa inyo namang pakikinayon sa barangay na ito, ay inyong ipagpatuloy ang inyong aktibong pakikilahok sa mga gawaing nayon,sapagka’t ito ay bahagi ng ating karapatan, at ang bawa’t karapatan ay may kalakip na pananagutan. (7LPC)

MOBILE CLINIC: 3 TAON NA NG SERBISYONG PANGKALUSUGAN

Ang San Pablo City Mobile Clinic, na isang refurbished tourist bus na pinasinayaan noong Marso, 2005, sa pangunguna nina Mayor Vicente B. Amante at Dr. Conrado M. Dikitanan ay isa na ngayong institusyon sa paghahatid ng mga paglilingkod na pangkalusugan sa katimugang tagalog na kinikilala ng DOH, DSWD at DILG. (RET/7LPC)

KAISIPANG AMANTE, NASA LAW BOOK NA

San Pablo City – Ang ipinaglaban noon ni Mayor Vicente B. Amante na dapat magbayad ang mga utility company, tulad ng Manila Electric Company (MERALCO) sa lawak o yunit ng pamahalaang lokal na kanilang pinaglilingkuran ay nasa law book na.

Magugunita na noong nasa kanyang second term si Amante ay nagharap siya sa Regional Trial Court ng paninindigan kaugnay ng nasabing usapin. Dahil sa pagtutol ng Meralco sa hatol ng RTC ay nakarating ito sa Korte Suprema.

Marso 25, 1999, sa desisyon ng Korte Suprema ay kinilala nitong halimbawa o huwaran para maipadama ang “kapangyarihan ng yunit ng pamahalang lokal na mapangalagaan ang kanilang pananalapi bilang isang korporasyong municipal.”

Ang naging desisyong ito ng Korte Suprema, San Pablo City vs. Reyes, General Report No. 127708) ay kalakip na sa isinaaklat na “Case Law on Local Autonomy and Local Governance” na inihanda nina Alberto C. Agra at Vincent Edward R.Festin, mga kilalang law practitioner at law educator ng Metro Manila.

Sang-ayon naman kay Senador Edgardo Angara na kinikilalang legal luminary sa bansa, dating Executive Secretary ng Estrada administration, at dati ring pangulo ng University of the Philippines System, ang nabanggit na isinaaklat na Case Law on Local Autonomy and Local Governance ay mayamang gabay para sa mga local government administrator.

Aniya, ang usaping “San Pablo City vs. Reyes” ay ilang ulit na nabanggit bilang batayan o jurisprudence sa pagbalangkas ng mga kapasiyahan sa pangangasiwa ng isang yunit ng pamahalaang lokal na may kaugnayan sa pananalapi at tamang paniningil ng buwis. (RET/7LPC)

BRIEFING ON "COOP PESOS" ISINAGAWA NG CCO

San Pablo City- Patuloy na nagsasagawa ang pamunuan ni Mayor Vicente Amante, sa pangunguna ng City Cooperatives Office (CCO), ng mga programa at proyekto upang maisulong ang sektor ng kooperatiba ng lunsod at higit pang mapaunlad ang mga kasalukuyang rehistradong kooperatiba.

Isa na rito ang pagsasagawa ng briefing on “COOP PESOS” (Compliance Operations and Mgt.,Plans and Programs, Portfolio Quality, Efficiency, Stability, Operations, Structure of Assets) sa pamumuno nina Acting Coop. Officer Concepcion “Beth” Biglete at sa pakikipagtulungan na rin nina G. Hector Capuno, Pangulo ng Saint Paul Cooperative Union (SPCU) at ni Bb. Nonie Hernandez ng Cooperative Dev’t Authority (CDA).

Dumalo ang 43 opisyales ng iba’t-ibang kooperatiba sa lunsod na ito noong Abril 8, 2008 sa gawi ng ABC Training Center, City Hall Compound, kung saan naging resource speaker si Dev’t Specialist II Celeste Castro ng CDA.

Layunin ng COOP PESOS na makasumite ng tama at kumpletong Cooperative Annual Performance Report (CAPR) upang mabigyan ang mga kooperatiba ng Certificate of Good Standing at hindi rin makansela ang kanilang rehistro sa CDA. Pamamaraan din ito upang mabigyang linaw sa mga kasapi ang organizational at financial status ng kanilang kooperatiba. (Jonathan Aningalan/CIO)