HULYO, BUWAN NG NUTRISYON

San Pablo City - Inihudyat na sa pamamagitan ng isang payak na palatuntunan na sinundan ng parada ang panimulang yugto sa pagdiriwang ng ika-34 na Nutrition Month sa lunsod na ito, kaalinsabay ng buong bansa noong Martes, Hulyo 1.

Sa temang SA WASTONG NUTRISYON NI MOMMY SIGURADONG HEALTHY SI BABY ay pinangunahan ng POPCOM ang nasabing pagdiriwang na nilahukan ng mga Barangay Nutrition Scholars (BNS), Barangay Health Workers (BHW), pakikiisa ng Office of Social Welfare Development (OSWD) at City Health Office (CHO), na ang pawang layunin ay maitampok ang kahalagahan ng tamang pagkain sa ikapagtatamo ng wastong kalusugan.

Sang-ayon kay G. Victoriano A. Mercado, Hepe ng Popcom, ay maglulunsad sila ng programa upang hikayatin ang maraming ina ng tahanan na daluhan ang mga pagsasanay na isinasagawa ng kanilang mga BNS sa bawat barangay upang higit nilang matutunan ang balance diet at tamang nutrisyong kinakailangan ng kanilang mga anak. At sa darating na Hulyo 23 at 24 ay muling gaganapin ang Popcom’s Drawing Contest at Nutrition Quiz para sa mga lalahok na elementary students ng lunsod at ang paligsahang ito ay gaganapin sa Lion’s Clubhouse na nasa Dagatan Blvd., Lunsod ng San Pablo

Kada taon dugtong pa ni Mercado ay nagdaraos sila ng Essay Writing Contest para sa mga mag-aaral sa elementarya at high school sa lunsod sa hangaring maikintal sa mga kabataan ang importansya ng nutrisyon sa buhay ng tao.

Sa ilang taong nakalipas, ang mga BNS sa lunsod na ito ay isa sa mga palagiang nangunguna sa rehiyon ng Calabarzon kung performance ang pag-uusapan. (SANDY BELARMINO)

ISANG TAON NA PO SILA

Parang kailan lamang, na marahil ay hindi namamalayan ng marami sa atin, nang simulang umugit sa tungkulin ang mga nagsipagwagi sa midterm elections noong Mayo 2007, ngayon ang kanilang ika-isang taon sapul ng manumpa at umupo sa trono ng katungkulan.

Ang tanong ay nasaan sila makaraan ang unang taon at saan tayo pinulot matapos magpasya kung sino ang mamumuno sa pamamagitan ng balota? Ang unang taon ba natin sa ilalim ng kanilang pangangasiwa ay naging kabagot-bagot, kawili-wili o naging kapanapanabik? Sino ang nagkulang, sila o tayo? At sa malapit na pag-uugnay ay sino ang higit na nagkamali, ang inihalal o ang naghalal?

Nakatitiyak na iba’t-ibang reaksyon ang makakalap dito sapagka’t ang inihalal natin noong midterm elections ay 12 senador, isang congressman, gobernador at bise-gobernador, 2 0 3 board member, isang mayor at vice-mayor, 10 konsehal at isang party list representative para sa mababang kapulungan. Sa kanilang hanay ay nasisiguro ng pitak na ito na may tumupad sa kanilang mandato, at ang iba’y hindi man masasabing nag-walanghiya ay tinimbang ngunit kulang.

Nananatiling mataas ang pagpapahalaga ng taumbayan sa senado, na ibig lang sabihin ay naipagkaloob ng mga senador ang serbisyong kanilang ipinangako. Ikinatuwa ng bayan ang ginawa nilang pagmamatyag laban sa pang-aabuso. Sa pagitan ng pagbalangkas ng mga batas ay sila ang naging matang lawin na tagabantay sa kayamanan ng bansa bagama’t may ilan sa mga ito ang mistulang color blind sa pangungurakot ng mga “kapak-ners” nila. Ang mga ito ay kilala ng bayan, ngunit sa kabuuan ay performer ang senado.

Sa mababang kapulungan ay naku po, Susmaryusep!! Ang kongreso kung ito ay isang produkto ay walang bibili kahit iyong i-bargain sale. Sari-saring interes ang kanilang ipinaglalaban na karaniwang pangsarili lamang. Dito pa lang ay bagsak na sila kaya hindi sila pinapansin sa mga pamilihan. Ito rin lang ang kapulungang hirap na hirap makabuo ng QUORUM sa dami ng umaabsent sa sesyon. Daig pa sila ng mga grade 1 sa elementary na takot umabsent. Kahit itanong mo kay MAM.

Ano pa’t iba-iba ang nararanasan sa bawat probinsya. May mga gobernador na nagdi-deliver at may naglalako ng pagkakalat. Kaya nga lang ay paper bag na may lamang pera ang idinideliber at hindi pagsi-serbisyo sa bayan. Meron din namang matitino tulad nina Gob. Panlillo at Mendoza na umamin agad at hindi tumatanggi. Sa mga Sangguniang Panglalawigan ay medyo may kabagalan ang lehislasyon ngayon na nakakaantala sa mga proyektong pambayan.

Higit na malawak subalit mas madaling tantiyahin ang mga alkalde, bise-alkalde at mga konsehales kung sila’y tumupad sa kanilang plataporma de gobyerno sa panahon ng kampanya. Batid ng taumbayan ang mga may sigasig at kung sino ang ningas kugon sa mga ito. Isa’t dalawa lang ang mga bagay na ito, ang ikaw ay mainip sa pagsapit ng 2010 election upang mapalitan ang mga lumihis sa kanilang pangako o kuntento ka na dahil nadadama mo ang malasakit ng tunay na lingkod bayan ng tulad ng sa Lunsod ng San Pablo.(SANDY BELARMINO)

RELASYON NG PNP AT MILITAR SA LUNSOD MAS TUMIBAY

San Pablo City - Nagkaisa ang San Pablo PNP at Armed Forces of the Philippines na magtulungan upang higit na maisulong ang katahimikan at kaayusan sa lunsod na ito at paligid bayan sa isinagawang pagpupulong ng Peace and Order Council (POC) kamakailan.

Ang pakikiisa ay inihayag ni 202nd Brigade Commander Col. Tristan Kison sa harap ng mga stakeholder na kinabibilangan ng PNP, BJMP, BFP, DOJ, DENR, mga NGO’S at iba’t-ibang ahensya ng pamahalaang lokal at nasyunal sa pangunguna ng DILG.

Iminungkahi ni Col. Kison ang paglulunsad ng isang programa na magpapatibay sa relasyon ng AFP-PNP sa komunidad upang matamo ang patuloy na kapayapaan sa lunsod at buong lalawigan. Nakapaloob sa kanyang panukala ang madalas na pakikipagtalastasan sa mga opisyal ng barangay at mga residente nito upang alamin ang kanilang suliraning pangkatahimikan para sa kaukulang alalay sa taumbayan.

Agarang sinangayunan ni P/Supt. Joel Pernito, Chief of Police ng lunsod ang suhestyon ni Kison sapagkat aniya’y talagang epektibo ang naturang panukala batay sa kanilang ipinatutupad na barangay visitation. Ibayong tulong din sa katahimikan ng lunsod ang intelligence sharing na nakapaloob dito ayon pa sa hepe ng kapulisan.

Ang pulong ng POC ay dinaluhan din nina Asst. Provincial Prosecutor Florante D. Gonzales, J/S Insp. Arvin T. Abistillas, SPC Secretary to the Mayor Rudy Laroza at mga personaheng nagmamalasakit sa katahimikan ng lunsod. (NANI CORTEZ)

EDIPISYO NG CITY HALL, IPINAGAMIT NI AMANTE SA LANDBANK

San Pablo City- Umabot na sa humigit kumulang na 7,000 ang nabayaran ng Land Bank of the Philippines simula nang ipagamit ng lokal na pamahalaan ang mga edipisyong Pamana Hall at One Stop Shop sa ilalim ng Pantawid Kuryente Katas ng VAT subsidy program ng pambansang pamahalaan sa mga below 100 KW end user ng Meralco.

Ang pagpapagamit sa mga naturang edipisyo ay bilang tugon ni Mayor Vicente B. Amante sa mga karaingang nakarating sa kanyang tanggapan sa unang araw nang pagdagsa ng mga claimants sa sangay ng Land Bak, kung saan ay kanyang napag-alaman na maraming nagtitiyaga sa pagpila sa ilalim ng init ng araw.

Ikinatuwa ng mga taga Land Bank ang kagandahang-loob ng alkalde sapagkat nagbigay ito ng kasiguruhan sa kaligtasan ng mga claimants laban sa anumang sakuna at kaukulang proteksyon sa mga nabanggit laban sa anumang sakuna at kaukulang proteksyon sa mga nabanggit laban sa init ng panahon o biglang pag-ulan. Nagbigay din ito ng kaluwagan sa mga kawani ng naturang bangko at mga support group buhat sa DSWD bukod pa sa mga tauhang pinatulong ng punong lunsod na umalalay sa mga claimants.

Ang mga tumanggap ng P500 subsidy ay nagbuhat sa lunsod na ito, mga bayan sa ikatlong purok ng Laguna at mga bayan ng Tiaong at Dolores sa Quezon.

Sina P/Supt Joel C. Pernito, P/Insp. Rolando Libed at CESPO SPO4 Guevarra ng San Pablo City PNP ang nagbigay siguridad sa kasagsagan ng bayaran sa pamamagitan ng pagtatalaga ng 12 pulis sa paligid ng mga nabanggit na edipisyo. (SANDY BELARMINO)

WHO IS NANI CORTEZ?

What is in a name? Name is nothing but a group of letters put together to produce a distinct sound every time it is read and pronounced. A name is insignificant unless it is attached to a specific thing like a statue or to a specific place like birth city of a noted personality like a hero or to a person with sterling qualities. The name is use to recon something worth remembering or worth talking about. A name factors in as a universal denominator of his value to fellow. That is in a name. The personality behind the name give it value and the worth to his environment.

In a name like ERNANI “NANI” CASTILLO CORTEZ is there something to ring a bell? It is a plain name to other with nothing but trivial meaning. It is a naught analogous to hundreds perhaps thousand bearing the calling in many places with Spanish sounding languages but for us in Seven Lakes Press Corps the name Nani Cortez signifies the presidency of the corps, the unassuming writer, a media man who never get tired in search for truth and part it to his readers. Not the value in term of peso of a scoop but the worth of a story. He is a true blue blood media man who checks and double checks his facts before releasing them for publication.

Nani Cortez is a reporter whose prose can give life and excitement to otherwise monotonous events. He gives dept into one-dimensional story with his razor-sharp analyses and pointed correlations of them to persons and personalities creating the news. How it impacts every one thus, giving a local news national significant and national news local relevance is patent in his hypothesis. He is an under-rated writer in term of acknowledgment and of course in term of compensation. Had he chose to hang about in national broad sheet and be an AC/DC correspondent he could have been a affluent man now. Who are Batuigas and Tulpos to his writing prowess?

But his being is designed to be of service to local communities. He finds fulfillment writing about real people not the ones whose images were created by media releases for specific ends. He rather shares his talents with budding reporters whose minds have not been polluted and corrupted by the system of formatted journalism.

Yes Nani opted a simple living around many straightforward friends. Big politicians woe him to become their public relation writer but he loves independence of mind. He loves to inscribe what he thinks merit writing even without incentive. He supports cause and meaningful thoughts, something that will promote the enhancement of the majority meaning the masses and not spouse selfish interest. Going out of his way to drive his message is not novel to him. Not the gold or gun could bring to a halt his exposes but a whisper from esteemed buddy can tame the fang of his bites.

To us JULY ONE is a marked day for a friend. A day when a man was born destined to be in the media. The unrewarding life he chooses to pursue and be at his best. The choice that makes the man happy and be in communion with himself, HAPPY BIRTHDAY NANI. (Sandy Belarmino)

FUTURE GRANDMASTER

SAN PABLO CITY- Nasa larawan si Gold Medalist Asean Chess Player Carl Angelo Dizon-Perez ng Barangay San Roque, Lunsod ng San Pablo. Napagwagian ni Carl Angelo at ng kanyang mga ka-team ang medalyang ginto at ang unang karangalan sa katatapos lamang na 9th Asean Age Group Chess Championship na ginanap sa Danang, Vietnam noong nakaraang Hunyo 9-17 na nilahukan ng lahat na bansa ng Southeast Asia at humigit kumulang na 40 Chess player. Sa indibidwal na kompetisyon ay nakopo ni Carl ang ikatlong pwesto at ang Bronze medal.( SANDY BELARMINO/7LPC)

SUBSIDIZED EDUCATION SA SAN PABLO, KAKAIBA

Sa ginugugol ng Pamahalaang Lunsod ng San Pablo sa ating City College na DLSP na umaabot sa mahigit na P20M kada taon ay walang duda na maituturing na mga iskolar ng bayan ang humigit kumulang na 4,000 mag-aaral na naka-enroll doon ngayong school year, dahil batid nating lahat na maliit na bahagdan lang ng halagang ito ang bumabalik sa lokal na pamahalaan at ang kakulangan ay pinupuno sa pamamagitan ng subsidiya.

Bilang pagpapahalaga ng Adming Vic Amante sa mga mahihirap na mag-aaral ay kaylan man ay hindi nito naisip na itaas ng sakdal ang tuition fee upang pagkakitaan ito ng tisorerya ng lunsod o dili kaya’y iyong tinatawag na maka break-even man lamang. Hindi rin kaylan man naisip ng lokal na pamahalaan na magbawas ng mag-aaral na maaaring tanggapin ng DLSP upang makatipid ng gastusin.

Ito ang ginagawa ngayon ng ilang State University and Colleges (SUC’s) na buhat sa panig na pang-serbisyo ay ginawang negosyo ang edukasyon sa pakiwari.

Nang nakaraang taon ang University of the Philippines (UP) ay nagtaas ng tuition ng 300% na ibig sabihin ay tatlong ulit ang gastusing kailangan upang doon ay makapag-aral. Ang Eulogio Amang Rodriguez Institute of Science and Technology (EARIST) na pag-aari ng gobyerno ay nagpatupad ng pagtataas ng 600%, na marahil ay hindi upang kumita manapa’y ang magbawas ng mag-aaral. Makaraan nito ay nabawasan ang enrollment nila ng 50%.

Noong 2003 ay 400% ang itinaas ng tuition sa Philippine Normal University (PNU) at ang Polytechnic University of the Philippine (PUP) ay nakatakdang magtaas ng 525% sa tuition, hindi lamang naipatupad dahilan sa pagtutol ng mga mag-aaral.

Ang isa pang kaparaanang ginagawa ng ibang SUC’s ay ang pagbabawas ng budget sanhi sa kakapusan ng pondo ng operasyon.

Alin man sa mga nabanggit ay hindi sumagi, ni sa hinagap sa isipan ni Mayor Vicente B. Amante na ipatupad. Mas lumobo ang enrollment ng DLSP sa ngayon, mas lumaki ang subsidiyang ibinibigay sa mga iskolar ng bayan at ni hindi tinitipid ang mga kabataang mag-aaral na uhaw sa karunungan.

Ito ang kaibahan ng DLSP sa ibang SUC’s na pinamumunuan ng ilang hindi marunong magmalasakit sa kanilang mga mag-aaral. Himig negosyo ang ipinatutupad sa pagpapalaganap ng edukasyon, sa kabila ng katotohanang ang mga paaralang ito ay pag-aari ng pamahalaan, na madalas makaringgan ng salitang LUGI. Ngunit sino ba ang malulugi kung ang bawat mamamayan ay napagkakalooban mo ng edukasyon?

Kakaiba ka nga DLSP sapagkat bukod sa may mahusay na nangangasiwa ay may mapagkalinga kang NINONG VIC AMANTE!!!(Sandy Belarmino/7LPC)