Sa wakas ay napagtibay na ng Sangguniang Panlunsod (SP) ang 2009 Executive Budget ng San Pablo City, subalit nagdadalawang isip ang pitak na ito kung meron bang dapat tayong ipagpasalamat, lalo nga’t ang tinatalakay na ng ibang sanggunian sa buong bansa ay supplemental budget na!
Masasabing sobra ang ginawang pang-gigipit ng SP sa ehekutibong sangay ng lunsod na ikinapilay ng mga programang ipinatutupad ng punong lunsod, na lingid sa mga konsehales na ito ay mga San Pableño ang tuwirang tinatamaan na kung hindi man ay nagdusa dahilan sa kanilang kapabayaan.
Sanhi nga sa sinadyang pagkabalam at kakapusan ng budget ay isa ang Comprehensive Indigency Assistance Program (CIAP) ni Mayor Vicente B. Amante ang sisiyap-siyap na naapektuhan. Alam nating lahat na maraming mahihirap na may malubhang karamdaman ang umaasa sa programang ito upan g makaagdon at madugtungan ang kanilang hiram na buhay. Ang tanong marahil ay ilan ang mga nangasawi sa kanila sa kadahilanan ng pagkabalam at kakapusan ng 2009 budget?!
Paano ipaliliwanag ito ng mayoryang mga Honorable Councilors na sa halip pagtibayin ang City Budget hanggang December 31, 2008 ay ngayong Hulyo, 2009, lang ito naaprubahan! Marami pa kayong dapat linawin mga kagalang-galang! Maaari po naming pagpasensyahan ang lubak-lubak o madilim na lansangan subalit hanggang sa ngayon ay palaisipan pa ang mga buhay na naligtas sana kung maaga kayong umaksyon mga giliw kong konsehal.
Lahat po kayo sa SP ay apektado dahil sa inyong kapabayaan, mula sa vice-mayor na presiding officer hanggang sa kaliit-liitang konsehal sapagkat sa ayaw at sa gusto po natin ay isa itong election issue sa darating na halalan na kinakailangan nating malampasan. Isa po itong pagpapabaya sa tungkulin.
Maaga pa lang ay inyo na itong paghandaan, subalit ano kaya ang inyong isasagot kung sa panahon ng kampanya ay may umusig sa inyo sanhi ng maagang kamatayan ng kanyang mahal sa buhay? Lubha po kayong mahihirapan sa mga sitwasyong ganito, dahil kahit ano ang inyong sabihin o kasagutan ay hindi kayo makakaasang malalagay pa sa kanyang balota.
Paano ka na vice-mayor at mga giliw kong konsehal? (SANDY BELARMINO)
Thursday, July 23, 2009
PROGRAMANG LUPA PARA SA MGA WALANG LUPA NI REP. ARAGO
Victoria, Laguna - Nakatakdang ipamahagi sa limampung (50) kwalipikadong pamilya ang mga lote sa Danbuville, Brgy. San Francisco bayang ito bilang bahagi ng programa ng pamahalaan para sa mga kapuspalad na mga mamamayan.
Ang proyektong Danbuville ay naisakatuparan sa pamamagitan ni 3rd District Congresswoman Maria Evita Arago at sa ginawa niyang pakikipag-ugnayan sa National Housing Authority (NHA).
Magugunitang tinustusan ito ng naturang ahensya ng pabahay ng P997,500.00 sa ilalim ng programang lupa para sa mga walang lupa ng gobyerno.
Ayon kay Gemma Ignacio tagapangulo ng Danbuville Homeowner Association ay mas napadali ang pag-a-award sa kanila ng mga nasabing lote sapul nang si Rep. Arago ang nakipag-negosasyon sa NHA, at ngayon ay halos abot tanaw na nila ang matagal na nilang pinapangarap na lupang tirikan ng bahay.
Napag-alaman buhat kay Kalihim Boy Aquino na tumatayong coordinator at consultant ng proyekto na idadaan sa raffle ang naturang lote sa lahat ng kwalipikadong pamilya upang maging patas sa pagbabahagi ng lokasyon.
Tiniyak ni Aquino na ang lahat ay may loteng nakalaan. Nabatid pa kay Aquino na si Rep. Arago rin ang nagsaayos ng right of way at pagpapasemento ng bagong pamayanan.
Sa kasalukuyan ay isinasayos pa ng mambabatas sa NHA ang panibagong 91 lote ng Masville para sa mga benepisyaryo ng Brgy. Masapang, upang makasigurong abot kaya ang magiging buwanang hulog sa nasabing ahensya. (Seven Lakes Press Corps)
Ang proyektong Danbuville ay naisakatuparan sa pamamagitan ni 3rd District Congresswoman Maria Evita Arago at sa ginawa niyang pakikipag-ugnayan sa National Housing Authority (NHA).
Magugunitang tinustusan ito ng naturang ahensya ng pabahay ng P997,500.00 sa ilalim ng programang lupa para sa mga walang lupa ng gobyerno.
Ayon kay Gemma Ignacio tagapangulo ng Danbuville Homeowner Association ay mas napadali ang pag-a-award sa kanila ng mga nasabing lote sapul nang si Rep. Arago ang nakipag-negosasyon sa NHA, at ngayon ay halos abot tanaw na nila ang matagal na nilang pinapangarap na lupang tirikan ng bahay.
Napag-alaman buhat kay Kalihim Boy Aquino na tumatayong coordinator at consultant ng proyekto na idadaan sa raffle ang naturang lote sa lahat ng kwalipikadong pamilya upang maging patas sa pagbabahagi ng lokasyon.
Tiniyak ni Aquino na ang lahat ay may loteng nakalaan. Nabatid pa kay Aquino na si Rep. Arago rin ang nagsaayos ng right of way at pagpapasemento ng bagong pamayanan.
Sa kasalukuyan ay isinasayos pa ng mambabatas sa NHA ang panibagong 91 lote ng Masville para sa mga benepisyaryo ng Brgy. Masapang, upang makasigurong abot kaya ang magiging buwanang hulog sa nasabing ahensya. (Seven Lakes Press Corps)
BRIG. GEN. JORGE V. SEGOVIA, 2ND ID COMMANDER
Brig. Gen. Jorge Valbuena Segovia formally assumed the post of Commander of the 2nd Infantry (Jungle Fighters) Division of the Philippine Army based at Camp Mateo Capinpin vice Brig. Gen. Florante B. Martinez, Acting Commander, last Thursday afternoon,July 23, 2009, at the camp parade ground in Barangay Sampaloc in Tanay, Rizal.The turn-over ceremonies was presided by Lt. Gen. Delfin N. Bangit, Commanding General of the Philippine Army.
The 2nd Infantry Division, nicknamed Jungle Fighters, was formally put into active duty on February 1, 1970 with headquaters housed in Camp Vicente Lim in Canlubang, Calamba City, then it was moved to Barangsy Sampaloc in Tanay, Rizal.
The present headquarters, Camp General Mateo Capinpin, was named after Brigadier General Mateo M Capinpin, the gallant soldier of the 21st Infantry Division who rose from the ranks during World War II. It is strategically located at the foothills of the scenic Sierra Madre Mountain Range with an elevation of 1,400 feet above sea level and 70 kilometers just east of Manila.
Brigadier General Jorge Valbuena Segovia is the 26th Commander of the 2nd Infantry (Jungle Fighters) Division, which is composed of the 201st Infantry (Kabalikat) Brigade; 202nd Infantry (Unifier) Brigade; and 204th Infantry (Bantay Kapayapaan) Brigade. And the Battalion units that are 1st Infantry Battalion; 4th Infantry (Get 'Em) Battalion; 16th Infantry (Maglilingkod) Battalion; 59th Infantry (Protector) Battalion; 68th Infantry Battalion; 74th Infantry (Matatag) Battalion; 76th Infantry (Victrix) Battalion; and 80th Infantry (Raging Tamarraw) Battalion. (RET/SEVEN LAKES PRESS CORPS)
Wednesday, July 22, 2009
BEST DISTRICT JAIL OF THE YEAR
Nasa larawan si BJMP San Pablo City District Jail Warden J/Sr. Insp. Arvin T. Abastillas (5th L-R sitting) kasama ang kanyang mga tauhan matapos na itanghal ang mga ito bilang mga nangungunang opisyales at kawani ng kagawaran sa pangangalaga at pagsasaayos ng karapatan at kapakanan ng mga nakapiit na mga bilanggo sa panig na ito ng bansa. (SANDY BELARMINO)
BOTANTE RIN KAMI!!!
Noong nakaraang Hulyo 20, 2009 simula ika 9 ng umaga hanggang ika 6 ng hapon ay 114 inmates ng BJMP’s San Pablo City District Jail ang nagpatala bilang mga botante sa tanggapan ng COMELEC na matatagpuan sa ikalwang palapag ng San Pablo Old Capitol Building. Ito’y bilang pag-alinsunod sa itinatadhana ng Sec. 6 and Sec. 7 ng COMELEC Resolution No. 8514 na pinagtibay noong Nov. 12, 2008. Sa ilalim ng pamumuno ni BJMP Region 4A Director J/S Supt.Norvel Mingoa at San Pablo City District Jail Warden J/Senior Insp. Arvin T. Abastillas ay pantay-pantay na karapatang pang-tao ang ipinatutupad ng piitang ito na itinanghal na Outstanding and Best District Jail of the Year 2009. (SANDY BELARMINO) Sunday, July 19, 2009
BAKIT LLAMADO SI AMANTE
Kasabihan sa madyungan na nakalalamang sa panalo ang tinatawag na standing waiting o iyong may puro na sa umpisa pa lamang ng laro, na walang talo na maituturing huwag lamang may manggugulong balsibeng lasing.
Ganito rin sa larangan ng pulitika, na kita mo na kung sino ang llamado o mas nakalalamang hindi pa man nasisimulan ang takbo ng kampanya. Humigit kumulang aay kwentado na ng bayan na walang mahigpitang magaganap na paglalaban. Walang excitement ika nga ng mga nagmamasid.
Sobrang kasiyahan naman ang nararamdaman ng mga nasa panig ng natatampok na llamado sapagkat nangangahulugan ito na hindi sila masyadong mapapagod sa kampanya at paglilibot upang mangumbinsi pa ng karagdagang botante. May captive ng botante ang mga ito buhat sa mga mamamayang tapat nilang napaglingkuran.
Nabibilang si San Pablo City Mayor Vicente B. Amante sa hanay ng mga llamado’t nakalalamang sa pagka-alkalde ng lunsod. Ito ay batay sa mga naipatupad, ipinatutupad at isinusulong na mga programa na ramdam ng mayoryang San Pableño. Ang mga naalalayan ng punong lunsod ang pinaka-mabigat at epektibong lider sa pulitika sa kasalukuyan ni Amante.
Ang mga bagong sibol na lider pulitikang ito ang pinakamabisang kalasag ni Mayor Amante sa ngayong. Napakahirap nilang makilala, ni mamukhaan sapagkat hndi naman sila nagpapakilala, ngunit gumagalaw upang ikampanya ang alkalde. Mahigpit nilang hinahawakang ang kanilang pamilya, patuloy ng bumubulong sa mga kaanak at umaakay sa mga kabarangay sa panig ni Amante.
Maaaring makumbinsi ng mga kaibayo ang mangilan-ngilang tradisyunal na lider sa pulitika ni Amante, subalit ang bagong sibol na ito ang masasabing lubha silang mahihirapan. Una nga ay hindi sila nagpapakilalang lider, bukod pa sa nakatanim sa kanilang mga puso na sa panahon ng kanilang pangangailangan ay nandoon ang alkalde upang umalalay.
Humigit kumulang ay ganito ang magiging larawan ng halalan sa pagka-alkalde. At ito rin ang gigiya sa takbo ng kampanya, na ngayon ay pumapador sa llamado. (SANDY BELARMINO)
Ganito rin sa larangan ng pulitika, na kita mo na kung sino ang llamado o mas nakalalamang hindi pa man nasisimulan ang takbo ng kampanya. Humigit kumulang aay kwentado na ng bayan na walang mahigpitang magaganap na paglalaban. Walang excitement ika nga ng mga nagmamasid.
Sobrang kasiyahan naman ang nararamdaman ng mga nasa panig ng natatampok na llamado sapagkat nangangahulugan ito na hindi sila masyadong mapapagod sa kampanya at paglilibot upang mangumbinsi pa ng karagdagang botante. May captive ng botante ang mga ito buhat sa mga mamamayang tapat nilang napaglingkuran.
Nabibilang si San Pablo City Mayor Vicente B. Amante sa hanay ng mga llamado’t nakalalamang sa pagka-alkalde ng lunsod. Ito ay batay sa mga naipatupad, ipinatutupad at isinusulong na mga programa na ramdam ng mayoryang San Pableño. Ang mga naalalayan ng punong lunsod ang pinaka-mabigat at epektibong lider sa pulitika sa kasalukuyan ni Amante.
Ang mga bagong sibol na lider pulitikang ito ang pinakamabisang kalasag ni Mayor Amante sa ngayong. Napakahirap nilang makilala, ni mamukhaan sapagkat hndi naman sila nagpapakilala, ngunit gumagalaw upang ikampanya ang alkalde. Mahigpit nilang hinahawakang ang kanilang pamilya, patuloy ng bumubulong sa mga kaanak at umaakay sa mga kabarangay sa panig ni Amante.
Maaaring makumbinsi ng mga kaibayo ang mangilan-ngilang tradisyunal na lider sa pulitika ni Amante, subalit ang bagong sibol na ito ang masasabing lubha silang mahihirapan. Una nga ay hindi sila nagpapakilalang lider, bukod pa sa nakatanim sa kanilang mga puso na sa panahon ng kanilang pangangailangan ay nandoon ang alkalde upang umalalay.
Humigit kumulang ay ganito ang magiging larawan ng halalan sa pagka-alkalde. At ito rin ang gigiya sa takbo ng kampanya, na ngayon ay pumapador sa llamado. (SANDY BELARMINO)
CITY VET
Ang nasa larawan ay sina (standing L-R) ELIZER ALIMON, Dr. DENNIS H. BECINA, JUN CARANDANG, Dr. ROMMIR GESMUNDO, & DANTE MARALIT; sitting (L-R) LUCILLE MAGTIBAY, Dr. FARA JAYNE C. ORSOLINO (City Veterinarian), MIRRIAM GESMUNDO, & CHERRY ALMARIO ng San Pablo City Veterinarian Office (CVO). Ang CVO ay tahimik subalit epektibong naipapatupad ang kanilang tungkulin upang mapangalagaan ang kalusugan ng ating mga alagang hayop. Sila rin ang ating tagabantay sa mga ipinagbibiling karne ng hayop sa ating pamilihang bayan. Tinitiyak ng tanggapang ito na malinis at ligtas kainin ang mga mabibiling karne kaalinsabay ng pagbibigay ng libreng kaalaman sa tamang pangangalaga ng mga hayop at marami pang iba na may kaugnayan sa kanilang gawain. (SANDY BELARMINO-vp-7LPC)
Subscribe to:
Posts (Atom)
